عراق ومن وكع جثته اكبر من الكاع
السلام عليكم
طبعا هذه القصيده لطالب جامعه كتبها وهو في حاله حزن على الي صاب العراق
عراق ومن وكع جثته اكبر من الكاع
ومثل هامه حسين الهامه مطبوره
لبو السجاد ربك سوى عاشور
لجن ياهو العراق يسوي عاشوره
طاح بليل يمهم والصبح باكوه
ونباك الوطن والباكه ناطوره
وذبح بيده العراق بخنجر السفاح
ونزف دمه اعله طينه وصار كافوره
مااعتب واكول الصوج بالسفاح
هو الصوج بينه نصفك لشورة
وناسك للاسف كلمن صفاله بصوب
وكلمن اخذ نصه وبيده اخذ دوره
وناس تسفرت صنطه بسواد الليل
ومن صبح فجرها ديار مهجوره
وناس تيتمت من هزت الكاروك
وخواطرهم بعد للحين مكسوره
وناس بلا شرف تاجرت بلاعراض
بضماير اعله الرصيف برخص منشوره
عكس جندي شريف تعوق من سنين
وشظيات الحرب بضلوعه مسموره
جرايد باع وكفه بساحه التحرير
بطرك عكازه وحده ورجل مبتوره
ومعلم رسم عدنا من الشرف مخلوق
لان ماكدر يرسم حلم بالصوره
بطل مايعلم واشتغل خباز
واحلامه انبنت من طين تنوره
مشاركة: عراق ومن وكع جثته اكبر من الكاع
اللة اللة اللة على هذا الكلام الرائع
والكلمات القوية
مشكورة اخت جمانة
تحيااااتي
مشاركة: عراق ومن وكع جثته اكبر من الكاع
رونق مشكورة حبيبتي على المرور
الله يطول عمرج
مشاركة: عراق ومن وكع جثته اكبر من الكاع
والله كلمات قمة الروعة جزيل الشكر جمانه على هذه الشعر
الرائع والجميل وبنفس الوقت حزين تحياتي لك على هذه
المشاركة الرائعة والجميلة
ننتظر مزيدك ياوردة
مشاركة: عراق ومن وكع جثته اكبر من الكاع
تسلملي يابصراوي
الله يخليك ياورد
مشاركة: عراق ومن وكع جثته اكبر من الكاع
اقتباس:
لبو السجاد ربك سوى عاشور
لجن ياهو العراق يسوي عاشوره
طاح بليل يمهم والصبح باكوه
ونباك الوطن والباكه ناطوره
أي والله أختي صح لسان شاعرنا وسلمت يداكِ أختي
ومثل ما يقولوها أهلنا كَعدونا على أبساط المروة
مشكورة جمانة على الكلمات الرائعة
تحياتي
فارس الليل العراقي
مشاركة: عراق ومن وكع جثته اكبر من الكاع
تم نقل الموضوع الى قسم الشعر الشعبي
تحياتي
فارس الليل العراقي
مشاركة: عراق ومن وكع جثته اكبر من الكاع
فارس الليل العراقي
تسلم يالغالي الله يطول بعمرك
مشاركة: عراق ومن وكع جثته اكبر من الكاع
كلمات جميلة يا جمانة
ربي احفظ العراق واهل العراق
رفيع التهذيب
مشاركة: عراق ومن وكع جثته اكبر من الكاع
رفيع التهذيب
تسلم اخويه على المرور
مشاركة: عراق ومن وكع جثته اكبر من الكاع
