مدرسة الدارمي
هديه لكل اعضاء منتديات الفرات........بقلم اسامه الشاعر
1:تدري شكثر أهواك وشكثر حبي
ماعندي فد مقياس واليدري ربي
.......................................
2:هم دهر هم أفراك هم أمهه تدعي
كلهه عداوه وياي ونوبه ربعي
.............................................
3:شلونك يبعد الروح شمسوي كلي
ماعندي غيرك دوم بالدنيه شلي
..............................................
4:هاج أخذي كلبي وياج مايصبر أحذاي
بس القهر والنــــــــــوح وملازم الداي
.................................................. ..
5:ماعندي كلب يشيل همي وهمك
دهر وقهر وهموم ونوبه أمك
..............................................
6:تدريني دربي بعيد ياحلوه كافي
مابي فركه سنين يبسن شفافي
.............................................
7:أبجي وأهل العين واللــــــــطم شفتات
مره أعله ساهي العين ومره على المات
...............................................
8:هذي الأجتنه منين يمكنهه زهره
ضوت سواد الليل سوتهه كمــــــره
.............................................
9:ليش أمن أذكرج ليش ماأشتهي النوم
هم حلوه مثلي يصير كل ليـــــلج هموم
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
10.شمس وكمر صوبين ياعمي خده
يذبح بخزر العين أشـــــتعل جده
.......................................
11.أول عشــــك وياك ماظنــــي أنســه
درس اصبحت يهواي يوميه أدرسه
............................................
12.حبك يبعد الروح أصـــــبح جهنــــــم
ماظن عضو بعضاي من عنده يسلم
...........................................
13.بحجـة الحران ولفــي أشــــمر الشال
شعرج حرم عألغيربس عألولف حال
..............................................
14.ياهم تشيله الروح حبابه دحجي
بس أنندس والله صدكيني أبجي
..............................................
15.لاقطره لادكتـــور بطلت ماروح
فوك العمه ياناس ماخذلي الروح
..............................................
16.ماهمني كل صواب منه وصحت اخ
لاكنه مـن فراك ولــفي العــــقل داخ
..................................
17.تدري أشكثر أهواك يابعد العيون
أبكد السمه والكاع وما يكفون
..................................................
18.أمن أسمك كتبت أشعار وهالصرت مجنون
كلنه بسيــــــــــطه تهون لو شفتك شلون ؟
.................................................. ...
19.كلك حلو يهواي والاحلى مرك
شادهني ليل نهار من فلك طرك
.................................................. .
20.للخوه أمشي بليل وأكطع محيطات
أنشد على العدلين والطم على المات
..................................................
21.مية سنه وسنتين مامرن بماي
أتمتع الخرنوب وأصبر على الداي
.................................................
22.سلم سلام بصوت حيل أرفع أيدك
أمشي عكس للشيب وي اليجيدك
