لا للانتخابات ....لا لأجل اطفال العراق...لا لأجل الامهات

عذرا يا زمن بطلنا نحلم.....نحلم بيش وحنه انعيش بالدم
وبطلنا نكول انريد ونريد....وعلى ريشاتنا بس كون نسلم
وعدونا امس والكل يجذبون.....وخلو هالشعب كل يوم يندم
الماعنده رغيف اينفعه بالجوع....اشلون اتريد من الصبح يحلم
بكل مية متر عشره يسكنون....حلوك مفتحه وللصخر تلهم
ونهارك يا وطن اصبح دجى الليل....وخيعونه الي من الردم يسلم
عبوات وحزب واكبر شعارات....وحراسك ياوطن غادر ملثم
*********************** ************************
********************** **************************

وخلونا ندك باب السفارت.....ولا جار النفعنا ولا بني عم
قبل جان القتل كله جماعي....اتضح موت الجماعي اهواي ارحم
تتعارك زلمنا اعكال وشيوخ....ودم اعلى الكراسي الايد ترسم...
************************ ********************
اخونا ابن الشمال ايريد كركوك...وذاك ابايده كومة نفط ايظم
على ابار النفط الكل يلهطون....وجبير القائمه بيده يقسم
بسك ولك كافي وعيب الك هاي....الجهل كله انتها والشعب يعلم
اوعلى اول طائره باجر يرحلون...هيج ايصير للي ايريد يفهم
لان كلهم مصالح و كبرالكروش....حصان الجامح الميريد يلجم
قسم مندك ابد باب الينخبون....ولا التصيوت الهم بعد يرهم
لان كلهم شبع والشعب جوعان....ولا بيهم شريف البينا يرحم
وقفة رجل واحد نوكف اليوم.....والي يدك بابنه انخليه يندم
يظل بس العراقي العاش محروم....ويولي الراد شعبي يعيش بالهم
وحك حسين ذاك المات مظلوم....وحك حيدر الجاره بسده يسلم
نطك روس الجذب بحجاية الا....وخلي الروس كلها اليوم تندم
بشر هوالنعى لحسين من مات....باجر وين نكله ابن حلذم
امن ياوطن ماكو انتخابات....نريد حسينا يرجع ويحكم
نريد احسين والعباس يحكم
سنين هواي الظالم حكمنا
وخلينه ضمير الحق حكمنا
جديد اليوم انريده حكمنا
حكم حسين وي عباس اخيه

عذرا يا زمن بطلنا نحلم.....نحلم بيش وحنه انعيش بالدم
وبطلنا نكول انريد ونريد....وعلى ريشاتنا بس كون نسلم
وعدونا امس والكل يجذبون.....وخلو هالشعب كل يوم يندم
الماعنده رغيف اينفعه بالجوع....اشلون اتريد من الصبح يحلم
بكل مية متر عشره يسكنون....حلوك مفتحه وللصخر تلهم
ونهارك يا وطن اصبح دجى الليل....وخيعونه الي من الردم يسلم
عبوات وحزب واكبر شعارات....وحراسك ياوطن غادر ملثم

قصيده رائعه وصح لسانك
تحياتي لك ولقلمك

الأخ زهير العقابي
قصيدة رائعة و أحساس أروع
عذرا يا زمن بطلنا نحلم.....نحلم بيش وحنه انعيش بالدم
وبطلنا نكول انريد ونريد....وعلى ريشاتنا بس كون نسلم
واقعية مؤلمة
تمنياتي لك بالتوفيق شرفني المرور بموضوعك
تقبل مروري
إلى مزيد من الأبداع

أدامك الله لنا اخي زهير

الساده ادارة المنتدى الكرام
الظاهر انه كان خطأ في نشر القصيده
حيث انها الكلمات غير واضحه وصغيره في الحجم
اتمنى المساعده..واعطاء فرصه لهذه القصيده فأن لها وقع خاص في داخلي
شكرا لسعة صدركم
وفقكم الله واتمنى لكم
الخير والسلامه

الاداره المحترمه...ادارة منتديات الفرات
لكم مني الف شكر وانا والله جدا ممنون
(كملو فضلكم وخلي الكلمات اتبين واضحه وجبيره)
اشكركم على سعة صدوركم
اتمنى لكم من كل قلبي
التوفيق الدائم

لان كلهم مصالح و كبرالكروش....حصان الجامح الميريد يلجم
قسم مندك ابد باب الينخبون....ولا التصيوت الهم بعد يرهم
لان كلهم شبع والشعب جوعان....ولا بيهم شريف البينا يرحم
وقفة رجل واحد نوكف اليوم.....والي يدك بابنه انخليه يندم
***8
اي والله وصح لسانك يامبدع الكلمىة والحرف
تكلمت بلسان الشعب اليوم ونطق قلمك صدقا ووفاءا
الف تحيه لروحك العراقيه الاصيله
تمنياتي لك بالمزيد من الابداع
تحياتي

صح لسانك وسلمت يداك والله اثلجت صدري بهذه القصيده
الله يوفقك يا العقابي
ويكفيك شر الناس
اتنى لك التوفيق ومن ابداع الى ابداع

وخلونا ندك باب السفارت.....ولا جار النفعنا ولا بني عم
قبل جان القتل كله جماعي....اتضح موت الجماعي اهواي ارحم
تتعارك زلمنا اعكال وشيوخ....ودم اعلى الكراسي الايد ترسم

ابدعت والله وهذه الابيات فيها ترجمه حقيقيه لما عانيناه
اتمنى لك التوفيق

اشكر مرور الذين تشرف متصفحي بهم
وهنا اقف وقفة شكر الى الاداره وشكري الخاص الى الاخ السومري
ايها السومري لك مني الف سلام وتحية محبه
وفقك الله ايها السومري

العقابي\ حاكيت واقع حال عم الشعب\وايضا انك عممت جميع الساسه وهذا جميل جدا نعم الكل مشترك\رائعٌ انت ياعقابي تحياتي اليك

الاخ الركابي مرورك اسعدني
وانه لشرف لمتصفحي ان يكتب فيه
من هم اهل للادب والاخلاق
وفقك الله
تمنياتي لك بالخير والسلامه

الى كل الذين صعدوا على اهات الرامل ودموع الثكلى
ودموع اليتامى...
الى الذين شربوا نخب فوزهم بكأس ملئت بدماء الفقراء
لا...والف....لا
انا متأكد بأننا سندفع الثمن غاليا
لا لشيء .الا.لاننا انتخبنا
وليهم اقول.....
شحت عالضمايرصحوت الابطال
امغيمه الدنيا كلها هموم بهموم
جم طيب اصل اندار بيه الحال
وجم دوني الصفاله الليل كله نجوم
زمن اكرم يزيد وعلي صال وجال
ونه برخص الزلم ماجنت اعدهم دوم

دعائي لكل العراقيين بالخير والسلام
تفرج ياعراق.....

وبطلنا نكول انريد ونريد....وعلى ريشاتنا بس كون نسلم

حبيبي واستاذي الغالي
ابدعت كعادتك في الهاب الهمم بصدق الكلم
قصيدة رائعه واكملتها بخير خاتمه
واختياري لهذا البيت بالخصوص هو لغاية في نفس يعقوب
لمن يتهمنا بان الزمن ولا اي زمن الهدام والان اصبحنا نتكلم بحرية ..!!
لكن مثل ما كلت ياخوية الله يستر بس
تقبل مني فائق التقدير والاحترام
ودمت بكل خير وسلام

اليك يا
ز....زمانك مارحمنه من هوينه
ه...هذاك المارحمنه منهو وينه
ي...يشب النار جان ومنها وينه
ر...راد ايوج لجن بالله احتمينه
اليك اكتب
انت كما انت
رائع
حالم
محب
..............؟كلمات لااحب البوح بها
الله يوفقك ويحميك

زهير العقابي
دائما انت مبدع
دام ابداعك
تقبل مروري
تمنياتي لك بالموفقيه

يمن جيتك تخلي الروح تسعد
انا الممنون الك والله يامجد
صديقي العزيز
مرورك يسعدني
اتمنى التواصل والاستمرار معي
دعائي لك بالخير
تمنياتي لك بالخير والسلامه