اذا تسأل عليه بخير تلكاني
الحمد لله كافي وزايده احزاني انه بيت الحزن ساكن ركن عظيم
والهم والقهر والحسره جيراني
من ثدي الوكت راظع صبر وهموم
وابوي العوز علشوغات رباني
وانه من التعب مخلوق مو من طين
ودموع اليتامى الفقره خواني
من صرت ودرت ماشفت فرحه بيوم
ولاجف فرحه يمسح بيباني
وعلى ميز الجذب مابعت روحي بليل
ولاملثوكه بلموزين قمصاني
واذا تسأل عليه ميتيهك العنوان
شهر عاشور يوم الطبك عنواني
وصلت للعظم بيناتنة العباس
وعله بيعت هدومي الوكت وازاني
شجره وخيروني بين موت وبيع
ومتت ومابعت بستاني
وبجو لجلي صدك بس بدمع تمساح
وبعد موتي حطب باعوني صحباني
حدر في جثتي تقاسمو ربح البيع
وهم يبجون حسبو وارد اغصاني
حجايه ونحجت وكلت اني ميقصدون
واصبرهم ردت بفراكي خلاني
ومن طشت الناستحولو منشار
واعز واحد البيهم ركض كصاني
مشكلتي الاريده ادري بي ميصير
وبلكي يصر اكول وكاعد متاني
المبارح مطر يترجه هم يرتاح
مايرتاح طبعا لازم يعاني
سفينة بنص بحر من تيهت معذور
دفتي نكسرت ومذبوح سفاني
تنكر مواجيتك بيك انه تنخيت
كتلك عوزي كافر حيل اذاني
ويوصلني الحجي من كلت حيل وياه
واذكر من كلت عيناك تلكاني
ديوانك فرح والدله فاحت هيل
وانه العوز قافل باب ديواني
يريد يبوس شفة دله صار سنين
راح يموت من حسراته فنجاني
واذا تسأل عليه مابعت كلبي بيوم
واطول منه على صدك على الحق لساني
منقول
