من مشيت
طلگت كلشي بغيابك من مشيت
وبالحلم
چن شبگتك
فوووووگ شفتك جن غفيت
من مشيت
اسأل الشمات عني شگد بچيت
دوريتك بالرسايل بالورد وبالهدايا
دوريتك ما لگيت
من مشيت
مو جديده فراگ عندي
ياما گبلك ودعيت
ويااااا وداعك
خله روحي چنها طير بلايه بيت
من مشيت
شلون حالي؟
شلون ليلي؟
ليل شاعر بالقوافي تمدديت
من مشيت انذبحت الضحكه بغيابك
تالي بس دمعه صفيت
ما تجيني شوف حالي
من مشيت
گالوا اليعشگ يعاني
يگضي ايامه يتاني
بس عجيبه
يبچي گلبي؟؟ ما دريت
ما دريت شگد بچالك
صرت عازه
كون اشوفن بس خيالك
ولنّه صوت يگلي يرجع گتله يرجع صدگيت
من مشيت
چنت شمعه وبنسمه فراگك طفيت
وجرعت هضم الليالي بكاس هجرك وانتشيت
من مشيت الفكر يسرح
وياهو يوصل صدگ يضيع بصفنتي
ولو شفت عشاك تضحك
والله اذكرك ما نسيت
من مشيت
بگلب خاشع
نزلن دموعي ودعيت
يا حبيبي يمته ترجع ؟؟؟
لخاطر الله يمته ترجع ؟؟؟
والله بعدك انتهيت .
