شدينة الجرح وانگطع حبل الخوف

مع تحياتي وتقديري للشاعر المتألق

(سمير صبيح)

عنوان القصيدة

(شدينة الجرح )

............

شدينة الجرح وانگطع حبل الخوف
وكحلنا الجفن وانسدت العبرة
بعد ما ننطي لزمة ..نظل ملح بالماي
ميزنة الحروف و وضحت الجفرة
ما نغلط بعد ونصير مثل الخيط
تحطنة على الجرح وتعوفنة الابرة
عود احنة ويبس ما نصير ماشة نار
مو بينا الحفر ولغيرنه المجرة
تجوينا نعم..نگطع هواها تموت
كافي تضل عمر بجفوفنة الجمرة!
وحلمنا الليل يُصلب والخمر..والطير
والف يوسف اجانة ومحد يفسرة
ما نعرف مشينة وياهم مغمضين
دفعونا و وگعنا وغطو الحفرة
والجفة طوّل مدها وطلع وارتاح
وابو النفس العزيزة ليهسة بالنكرة
رضيت اصبح جسر بس ردت اشوف الماي
يجري گبال عيني وما ردت گطرة
خذت صوتي أمس توعدني بالتفاح
وصلت لمنصبك تحجيلي عالخضرة!؟
نفس الفائدة الموجودة بالتفاح
بس هاي بحمار وهاي لا خضرة
كافي تضم عليّ ..اعرف شنو اللي يصير
سيل الدم اعرفة وياهو اليفجرة
وانا الميت اعرفة واعرف الدفان
شوكت ما اريد اروح واوصل لگبرة
وكافي من العتب ونلومها من تطيح
على الفاسة شبديها ونحجي عالشجرة؟
ولا ذنب النهر لو عكس مجرى الماي
الگاع تصير رخوة وتعكس المجرة
وخد الينسطر شيفيدة تبچي العين
شما صبت دمع ماتمسح السطرة
اليحفر گصتة بفاس الصبر يرتاح
بعد فنهة تطيح وتوگع الگطرة
وبية شگد عتب ..وشگد ملامة وحيف
على الدمع البچيتة وما طفت حسرة
على الرَدلي يتبختر لا فرس لا سيف
ويحچي بكل رهاوة وطعنتة بظهرة
على اليوگع فريسة شلون يغفة الليل
ينام بيا وجه وذياب التنظرة
مثل شذرة الكرامة ومحبس الانسان
وبيها شكد محابس ذبت الشذرة
وبيها شكد محابس ذبت الشذرة

.............................


ارجوا ان تنال اعجابكم


مع التقدير

http://www.alforat.org/picture.php?a...pictureid=2350
الزير سالم .....دمت اخا عزيزا ودامت اخوتنا ........
رد قصيدة شدينه الجرح وانقطع حبل الخوف ....... رائعه كروعة الزير سالم ..ابداع بكل معانيه تألق...
للقمم اعتلي واوعي تكع......تحياتي لك ودعواتي
ومرسيه علي سردك وبوح قلمك . ادم 22

الف شكر لك عزيزي
على هذه اأختيار الرائع
للمفردة وللمعنى الجميل
دام لنا تالقك عزيزي
ودمت رائعا اينما تكون

مع تحياتي وخالص امنياتي

شدينة الجرح وانگطع حبل الخوف
وكحلنا الجفن وانسدت العبرة
بعد ما ننطي لزمة ..نظل ملح بالماي

اجمل الكلمات النابعة من قلب لا يعرف الا الحب والاخلاص ويحب بكل مافيه دون ملل
تقبلي مروري

جزيل الشكر والتقدير لكم احبابي على المرور وهذه الكلمات الجميلة

منورين متصفحي

تقبلوا تحياتي

اخي الغالي الزير سالم

مبدع حتى بذوقك بأقتناء الاجمل والاروع

وصح السان الشاعر سمير صبيح

تقبل مروري

اختي العزيزه طيبة النجف

شكرا لمرورك العطر

دمتي بخير

تحياتي لك

اللة عليك يامبدع ولاختيارك قصائد الشاعر المبدع سمير صبيح تقبل مني كل التقدير والاحترام

الف شكر لك اخت احلاهن بطه

تحياتي لك

قصيده جميله جدا والاروع فيها هو الزير سالم
يسلم لنا هذا الذوق الجميل

تحياتي لك

استاذنا القدير
الزير سالم
قصيدة جميلة جدآ جدآ
عاش اختيارك
تقبل مني اجمل التحيات ياطيب