شاعرنــا الشعبي الرائــع ------- صبـــاح الهلالي ( بقلمـــي )

الشـــاعر الشعبي الكبير صبـــــــــــاح الهــلالي ( ابو شمــــس )

( بقلمــــــــــي )

شاعر شعبي عراقي اصيـــل إتسم شعره بالروعة والعذوبة والسلاسة وجمال المفردة والمعنى ... يدخل القلب بدون استئذان وله شعبية كبيرة في العراق فلشعره مذاق خاص
شارك بعدة ملتقيات شعرية وله العديد من الأعمال الأدبية التي حازت على اعجاب الكثيرين
ممن يتذوقون شعره

من اجمل ماكتبه لنا هذا الشاعر الرائــع عن حادثة ( جسر الأئمـــة ) التي كانت فاجعة كبيرة على العراق والعراقيين والتي أزهقت فيها الكثير من الارواح البريئة على يد الإرهابيين
وكانت نيتهم اشعال الحرب الطائفية في هذا الوطن الجريح وتفكيك لحمة الشعب العراقي الذي عرف منذ الأزل بتلاحمه بكافة اقلياته واديانه ومذاهبه

فقد اختار الشاعر صباح الهلالي اسم الشهيد عثمان عنوان لهذه القصيده تجسيدا للوحده الوطنيه حيث ان الشهيد عثمان هو من ابطال نادي الاعظميه بالسباحه وقد قام هذا الغيور بكل شهامة العربي الاصيل لينقذ الغرقى وقد تمكن من انقاذ عدد من اخوانه العراقيين
وكان يعاود الكره مره بعد اخره حتى تعب البطل وغرق مع اخوانه في نهر دجله رحمه الله وجعله في زمرة الشهداء

قصيدة

اخوي عثمان

بعدماي الفرات لضيفنا نبدي
والكطان الازركَ مانكر شصه
وكل اسباب جوعي دون استثناء
كلها تروح فدوة لورقة الحصه
كبل خطار اجاني وصادفني العوز
علىخدودي شمع ذابت الكصه
ولان تنوري طين او غيرتي من الكَاع
خلص عدنا العجين استنسخ الكرصه
هسة شبينا ليش وشختلف بالناس
اذا يلتفت ضيفك ينوكل نصه
اهلبيت واحد شو صفو ضدين
مله تلوم مله وبالكَلب غصه
اركض طاح اخوك بضهره حطسجين
لا غيرك يذبحه تفوتك الفرصه
سكرانه العدال وناس تاكل ناس
زمن صارت خوات العلوه والنصه
ام هور الجبايش انفي كردستان
وبكلب الرمادي خنجرك كصه
ولك مو عيب واحنه الي نشيل الراس
شلون جفوفنه تكض راسنه تكَصه
اختلفنا احنا بعلي وبعمر وبعثمان
لو يدري محمد بينا ما وصه
المحتل اطلعه حط ايدكوياي
يا محتل طلع بالهوسة والخبصه
كطرة حيا أه ردت اكصه
يعرفني النشد عنيوالتكَصة
والك احنه بجسم واحد والتكَصة
جفك لا تضن كَصيت اديه
فدوه ارجوك تهده ولعن الشيطان
عسى من غيراك بخته وبحضه
انه شردت منك غير ننساالراح
او طرفك على الزعل
انفطمنا على البنادق وانت تعرف زين
الشعيرة بلانفع لو زعلت الفرضه
انه وياك سيف ونذبح الجلاد
واذا تعجز ادينه بلوزته انعضه
العباس جدنه الما حتاج جفوف
ضل حتى بسنونه لازم القبضه
جا شنهي عليمن ليش مختلفين
انه شنهو القبضته وانته الترفضه
ايجوز الما اكضه الخلل بالجفين
اليعبر عليه جفوفك تكضه
ان غركان يمك انه اخو عثمان
البجسر الايمة ما صفن لحضه
شاف الايد وحدة والناس ضكه الماي
وعلى كص الجفوف لصاحبه تشضه
انه دجله الخير المانست عطشان
واخوي انته الفرات ترضه ماترضه
اختلفنه بأولياء الله وضعنه
واحنه الساس للدنيا وضعنه
وربك ما نغيرمن وضعنا
شرط تحط ايدك بديه

وللشاعر الهلالي كتابات أخرى في الغزل والحب

ممنوع همس الشفة

*****************

ممنوع همس الشفَه

ممنوع بالحب رجفه

وذبلة خدود الترفه

ابغداد ممنوع العشك.

نسكت كلبنه يحترك؟
ممنوع ان نحجي الصدك
كدامي اخرس ماحجه اشر وكصوا جفه
ممنوع الياشر ...صدك؟؟؟؟؟
وزعو موت اعله الخلك
خفنه ورجعنه ليوره
وجبرونه ان نلزم سره
الكدام يسال بالوره
شنهي الحصل ؟؟شنهي الجره؟؟
ثاري مثل موت النخل واحدنه ميت وكفه
وهم كلنه باجر تصفه؟؟؟؟
عالغصن حيه مزيفه
العصفور طير شعرفه
سد عشه للنخله صعد
كضته سنون السعفه؟؟؟
وقرروا في جذع النخل ممنوع ترجف سعفه
وممنوع تنبت سعفه
ولو وحده رجفت من غضب او صدفه ولادنه سبب
يكصون راس الصدفه؟؟
بكل ذره من جسمي تعب
بكل غرفه من بيتي حرب
ينكلون اخوتي بهالحطب؟؟؟؟
ويدعون بسلا تطفه
وهم كلت باجر تصفه
انعيش في نفس القفص
بس اني وامي وجدي
القفص يسوه مملكه
وامي احسهه الملكه
وجدي امتداد الكل ملك
بس احس روحي مجدي؟؟؟؟؟شهبندر وماعندي
الكلب ....ابن كلب النفط؟؟؟كلهم كلبهم ضدي
امي وابوي وجدي
وهم كلت باجر تصفه
القفص جان بغرفه
بعت القفص والغرفه ومابعت امي وجدي
الرايح ايكل للراجع
قنبله براس الشارع
والناس كلهه تباوع
من طكت بعيني شفت
مكطوع راس الشارع
ومحد يوكف نزفه
وانسه القفص وانسه السجن
وينزف على خدودي وطن
من اسمع غنه داخل حسن
واتمنه بيدي الدفه
وانكسر مثل الكزاز
من احلم بقنينه غاز؟؟؟؟
اتشضه مثل الكزاز
من احلم بروحي سفير
وعمري ماشايف جواز؟؟
ومرعوب افز من الحلم
من خوفي بطلت اغفه
وحبيت لاكن حاير...بنيه بشكل ماصاير
بس بيتهم عالساتر؟؟؟
والغام.....بيني وبينهه
لاكن من اذكر عينهه
والحصل بيني وبينهه؟؟؟؟؟؟؟؟؟؟
تابوت احط للزفه
وترجع بديه الدفه
وشفه احط عالشفه
وترجع خدود الترفه
ومسموح همس الشفه
ومسموح بالحب رجفه
وكل الي كلته الكم....جذب ؟؟؟
شاعر مسودن من احب
ابغداد مسموح العشك
ابغداد ....بس احنه الصدك
وغصبا عللى الكل تصفه

غصبا على الكل تصفه




قصيدة ابليس
*******************

باچر انه ولوعتي وطول الغياب

نلتم انه وياك بس اثنينّه

مانريد الزاد ونعوف الشراب

انريد بس ابليس يگعد بينّه

بكيفي باچر لاحلال ولاحرام

اثنينّه انحقق حلمنه المستحيل

ليل ونضيع بزواغير الغرام

ويانفس وياك تقنع بالقليل

باچر انته الرگبه الك وانه الحزام

وشوف ياهو الصاحبه يسلّم دخيل

مو قفل عالباب ادگ عالباب باب؟

شده والشيطان بيهه ايعينّه

هيچي نشرب ماي من ذاك السراب

وطينك الحري نخلطه بطينّه

مو هذاك الشوگ لا مرتين زاد

منك اخذ حيف حتى المو الي

شگد زرعنه وهالگرب وكت الحصاد

وهاي اليه سنين احد ابمنجلي؟؟

خاف تبطي ونارنه اتصبّح رماد

مثل ذيچ الماخذت سيد علي

من تراب الناس وترد للتراب

ليش حصة الگاع يصبح زينّه

بس تعال ابجيتك ايخف العذاب

وتدري للخطار نفرش عينّه

الطير تتلگاه الگاع شما عله

وطبع بنيادم مثل طبع الطيور

يجي يوم الشوف يصبح مشكله

رماد يبقه ومايضل عطر البخور

تهيج آلام المفاصل والكله

ويارصاصه بضهر ابو السكّر تثور

ولك لحّگ باچر يروح الشباب

تنعمي وما تنبرد سچّينّه

اليوم وكتك من ذهب باچر تراب

وهسه نگدر بس وراهه امنيلنه

گوم اخفف لوعتك واطوي العتاب

ساعه وحده انذب قهرنه اثنينّه

وما نريد الزاد ويولي الشراب

نريد بس ابليس يگعد بينّه

ارجو ان يحوز على رضـــاكم

الرايح ايكل للراجع
قنبله براس الشارع
والناس كلهه تباوع
من طكت بعيني شفت
مكطوع راس الشارع
ومحد يوكف نزفه
********************

سلمت اناملك يا ام فيصل لما اتحفتينا به من نبذه مختصرة

وافية للشاعر الشعبي العراقي صباح الهلالي

ومقتطفات من شعره الالرائع

شكرا" لك

ادامك الله بعز وهناء.. واسبغ عليك نعمة العافية

انه وياك سيف ونذبح الجلاد
واذا تعجز ادينه بلوزته انعضه
العباس جدنه الما حتاج جفوف
ضل حتى بسنونه لازم القبضه
جا شنهي عليمن ليش مختلفين
انه شنهو القبضته وانته الترفضه
ايجوز الما اكضه الخلل بالجفين
اليعبر عليه جفوفك تكضه



اختي العزيزة والمتألقة دائمآ في سماء الفرات ( ام فيصل )

موضوع رائع وشرح وافي لشاعرنا المبدع صباح الهلالي

لقد امتاز موضوعك بلوضوح والتعبير الدقيق لشخصية الهلالي

وكذالك باقة جدآ مميزة من اشعار رائعة

لكي خالص مودتي واحترامي وتقديري

مـــــــــع التحــــــــية

الأديبه المتألقه بسماء الابداع

أم الفيصل ما طرحته هنا يدون بمجلدات الأدب فقد صغت لنا سيرة الشاعر بأسلوب العظماء


أنحني سيدتي وأقبل يمناك

تحاياي بعمق المحيط

شكرا امى الغاليه لهذا المجهود الرائع

للسيره عن هذا الشاعر الكبير (صباح الهلالي )

دمت رمزا من رموز العطاء

وعلما من اعلام الفرات

خالص تحياتى

الله على
ما سطرتي من اروع واجمل الكلمات
الرائعه
موجديد علينا
ابداعكي
يا غاليه
مع تحياتي لكي

وسلم لنا مرورك الكريم
وحورك الدائم والمميز عزيزي امير الاحزان
طاب لي هذا التواجد والكلمات الطيبة
مع ارق تحياتي وامتناني لك

جميل جدا ياام فيصل
صباح الهلالي شخصيه غنيه عن التعريف
وقد تعرفت عليه شخصيا عن قريب
وكان لنا جلسه عائليه ظريفه وممتعه ومميزه
فقد اتضح لي بالرغم من شهرته الا انه يحمل روح مرحه وصاحب نكته
وبسيط مجامل الى ابعد الحدود
لقد استمتعنا برفقته وزوجته جدا
وبيني وبينكم فقد اجريت معه حوار تلفزيوني بعيد عن الاضواء ههههههههههههه

وكان لنا هذا الحوار او الدردشه عند جلوسنا لشرب الشاي بعد الغداء على بحيرة دوكان

ام علي: ابو شمس حقيقه لم اكن اعرف انك بمثل هذا التواضع
ابو شمس: والله ياام علي اكو مثل يكول الميعرفك ميثمنك
ام علي: صباح الهلالي قصيدة اخوي عثمان ابكتنا صراحة كيف استطعت ان تكتب هذه الكلمات الرنانه والمؤثره
ابو شمس:( يبتسم) يمكن متصدكين اذا اكولج وره مكتبتها وقريتها اني بجيت ههههههه
ويتابع الحديث : والله ثم والله عندما القيتها امام اللجنه 6 منهم اجهشو بالبكاء ومن ضمنهم الفنانه شذى سالم التي لم تكف عن البكاء حتى بعد ان انهيتها
ام علي:اي والله حقيقه القصيده مؤثره جدا
ابو شمس : هاي شنو اشو كلبت حزايني .. لذلك رح اكسر هذا الجو الحزين بهاي النكته
يكولون اكو واحد سكير اربع وعشرين ساعه وكاعد بكراج العلاوي
اجتي مريه متندل تريد تروح للكاظم
شافته كاعد وصافن جان تكوله يمه وين سيارات الكاظم ؟؟
جان يشيل راسه عليها ويباوعلها بنص عين ويكللها اهوووووووووو بااااااااااااااااعهن من زمااااااااااااااااااااان
هههههههههههههههههههههه
طبعا وهنا علت المكان الابتسامات والضحكات التي حولت الجلسه الى جلسه للنكات
بعدها وقفت سياره وكان صوت المسجل عالي جدا واغاني ردح بردح
وهنا نظر صباح الى زوجته وغمز لها بعينه مشيرا لها بأن الاغاني اطربته
وطبعا الموقف جان كولش حلو وممتع صراحه
واستمرت دردشتنا الى نهاية السفره لكن هناك دردشات لاينفع نشرها لانها خصوصيات هههههههههههه
عذرا للاطاله ... لكني بالحقيقه لم اكن اعرف الشاعر عن كثب ربما كنت اسمع به واصادف اشعاره
لكن عندما قابلته تفاجأت بشخصيته الرائعه
واسعدني ان تشاركوني رحلتي مع ابن الشطره صباح الهلالي
تحياتي للجميع
وباقه من اجمل الزهور للمبدعه ام فيصل على روعة اختياراتها

ولك جزيل شكري وامتناني للمداخلة والمرور العطر عزيزي جبروت رجل
اسعدتني هذه الاطلالة والكلمات الطيبة
ولاحرمنا تواصلك
مع اطيب تحياتي لك

اسعدتي مرورك يااشجان
والف شكر لكل كلمة صيغت بكل عفوية وطيبة
دام لنا تواصلك وحضورك الراقي دوما

كل الود لك غاليتي

ودامت لنا اشراقتك يانور
كل الشكر للمرور والرد الطيب
ولاحرمنا حضورك المميز عزيزتي
مع كل الود

العراقية
سلم لنا هذا المرور
والف شكر لك وللرد الطيب
دمتي بخير
ولاحرمنا تواصلك واشراقتك

مودتي

ام علاوي
اثريتي الموضوع اكثر
مداخلة ظريفة
الف شكر لك وللحضور الدائم والبصمة المميزة

مودتي

شكرا لك اختي الكريمه ام فيصل

لسرد السيره الرائعه للشاعر الهلالي

تحياتي لك ودمت راعية للابداع 0

وشكرا لمرورك الكريم عزيزي شاكر
لاحرمنا هذا التواصل والحضور
مع تحياتي لك