بــــنـــت الجــــنــوب

اريد اكتب شعر ياناس وقره
وريد التسمع الاشعار وقره
ولاريد البذانه ايكون وقــره
لان ماراح يشعر مرّه بـيّه
***** بنت الجنوب *****
امس غابت شمسها الروح
من غاب المحب ضيّـه
امس جيش الحزن ياناس
جــرّد كل مواضيه
امس ذبحت فرحها الروح
والمذبوح اظن هيه
نــــعــــم هيــّــــــــه
لان هيه النفس للروح
هيه الروح والريه
هيه اجروف وسعه وحاظنه الروجات
هيه اشفاف ترفه اتعسـّـل الچلمات
هيــــــــه ارياح
هـيــــــــه امطار
هيـه آيــــــــات
هيــــه احلام ورديــــّـه
واذا مطرت دمعتي وبللت خدها
تــمــد گذلتها شمســــــــــيه
أشم بيها المسچ والهيل والعنبر
وشوف الهور بيها وذاك برديه
صغت گلبي معاضد للچفوف الناعمه
وخلـّـيت اِلي اشويه
اجتني ابروح فحطانه وتريد
الباقي مني اتصوغه ترچيه
وجت مرّه ابعزم غزّاي تالي الليل
مزگت هِدم العليه
خذت روحي الرياض اورود عطشانه
خذتها وحلمي غنـّـه ومالت اغصانه
خذتها وگلبي جمره اموجـّـر اِلسانه
خذتها وشوگي يصهل گـطـّع اعنانه
تِهت والروح ذابت
زبده فوگ اوجاغ جمريه
عطش گاع الرمل بيها
وملح گاع السماوه اشفاف
والخدين برحيــــــــــه
حـُوَت كل المحاسن والجمال اوصاف
وتغار ابحسنها اعيون حوريه
واذا تنشدني عنها امنين اگلك ماهي اِنسيه
لچن بيها الحضـــــاره اتلوح
من بابل واكد وآشور واللهجه فراتيه
تظنها الناس من فارس بعض مرات
وتظنها مسيحيــــــــــه
واذا تنشدني عالطينه
اگلك طينه حريه
واذا لحـّـيت اخبرنك شمس روحي عراقيه
واخبرك من اهل ذي قار
وبذي قار تفخر لن جنوبيه
لانها الطيب واصله ومنبعه ومجرى وصافيه
يلنها الطيب واصله ومنبعه ومجرى وصافيه
******* ******** ********
السويد 2004/5/7
\\\\\\\\\\\\\\\\\\\\\\\\\\\\\\\\
منقول
ان القصيدة بدون ابيات الابوذية الموجودة في صدر القصيدة
تعود الى
10-12-09, 01:43 AM
سيوفي
مشرف منتدى الشعر
في منتديات
اصداء العراق
http://www.asdgd.com?كلمة ممنوعة??كلمة ممنوعة??كلمة ممنوعة?/showthread.php?t=1716

ماشاء الله اخي العزيز

كلام في منتهى الجمال والعذوبة

سلمت الانامل ولا حرمنا روعة كلامك

اسعدت بالخير دوما

تحياتي

سلمت يمينك
وصح لسانك

كلمات غاية في الروعة

بداية موفقة معنا..

فاهلا" وسهلا" بك اخي
اتمنى لك التواصل الدائم

وعلى السعة والرحب

http://up.foraten.net/uploads/9d00f6dddd.gif

ماذا تعني كلمة منقول الموجوده تحت عنوان القصيده هل تعني ان القصيده ليس لي

تحيه طيبه وامسيه سعيده لكم جميعا اعزائي
الان عرفت السبب وهو اني نشرتها في غير محلها لذلك نقلت الى المكان المناسب لها فشكرا لمن اشرف على ذلك والف شكر

ههههههه
ماشي اخي سعد

عذرا" اخي
كان الاجدر بي ان تصلك رسالة مني بهذا الخصوص تعلمك بنقل قصيدتك الى مكانها المناسب
ولكن شغلت عن ذلك
اكرر اعتذاري لك
وطالما انك عرفت السبب
فحمدا" لله على ذلك

تحياتي اليك

عاشت الايادي سعد كلمات جميلة

تحياتي

شكرا جزيلا لحظوركِ الدائم يابلسم الروح

امير الاحزان الف شكر لتواجدك الطيب هنا بين كلماتي

وعاشت اياديك يافارس الهيجاء

واذا لحـّـيت اخبرنك شمس روحي عراقيه
واخبرك من اهل ذي قار
وبذي قار تفخر لن جنوبيه
لانها الطيب واصله ومنبعه ومجرى وصافيه
يلنها الطيب واصله ومنبعه ومجرى وصافيه


والله والنعم من الجنوبية العراقية الأصيلة
صح لسانك عزيزي
قصيدة غاية في الروعة والجمال
وغزل تغنت به كل العراقيات
ادام الله لنا هذا الإبداع والمداد الذي ينبض روعة وجمال
مع كل التقدير لك عزيزي