ومضات مهداة الى قمر بغداد - بقلمي

0
شيبطــله الحــزن وملاحـــكـَ آلآم

خلص عمري جرح , جرحين وجروح

اذا هيجي الحياة شلـــون ارتــــــاح

بأي لحظه الوداع ويـــــاج يا روح

***

تره الدنيه جبيره بعين الاحباب

وزغيره بعين كلمن كـَلبه خالي

ولأن إنته عزيز وشايل احساس

كل ليل اليمر انته اعله بالي

***

إلك وصله بدليلي بدون إيجار

ولابيع وشره وتملكهه مـجـّان

يبو عذب المحاجي وطيب الذات

مرخوص التصرف بيش ماجان

***

يا جنه ارتجيك وبيك الي مجان

لو مطرود شخصي من كيانك

يالشايل كـَلب أنقه من الورود

فدوه ارجوك لفلفني بحنانك

----------------

12.25 صباحا ً 16-2- 2010 م

بقلمي مع أطيب تحياتي 0

الف شكر وعاشت الايادي يا لطيبين انتوا واغلى من الناس


حتى الشكر قليل بحقكم الله يحفظكم ويخليكم

اختكم الصغيره

شكرا لمرورك اختي العزيزه جنة الهدى

احلى تحيه لقمر بغداد الطيبه 0

عاشت ايدك ايدك
حبيبي الهلالي

ومضات غايه بالروعه

وتسلم الأيادي أبي العزيز

لك مني أحلى التحايا ودمت مبدعاً

ومضات رائعه رائعه خالو تسلم الايادي لابداعاتك الراقيه

ومضات راقيه
وشاعر راقي وصاحب ابداع

الله الله ايها الرائع الجميل ...
لك كل الحب والاعتزاز....عدي .

تره الدنيه جبيره بعين الاحباب

وزغيره بعين كلمن كـَلبه خالي

صحيح الدنيه متقلبه بأهلها

شكرا لك ودوام ابداعك ويسلمو يا مبدع

جميل جميل يا ابو محمود هذا الاعصار الذي يتلو السكون مبدع دائماً شاعرنا الكبير شاكر الهلالي