الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه
حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسيه
هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه
على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال علي
مشيت وگلبي لشــواگه ... يردني
وبس للضيم أشو وكتي ... يردني
بـعده العوز ما مرّج ... يردني
گصرتي والشماته تشوف اديه
أضعفت ما واحد بربعي ... گواني
وشلت حملي على جتافي ... گواني
اموتن جوع وابقى البس ... گواني
ولا فد يوم امدلهم اديه.
انت اعز مخلوق بالدنيا لذاتي
ومرار تصير بفراكك لذاتي
يكبر شوك البكلبي لذا اتي
ازورك وانت ماتسال عليه
منقول
