اشتاك الج كل وكت...... يايمه وابكل يوم
ولو ليله ماقبلج ........ ماضوك طعم النوم
ياقبلتي ومعبدي .... واجري وصلاتي وصوم
اندار خادم الج ....... مو يوم لا للدوم
بصوتج ييمه سحر.... يزرع ابروحي الفرح .... ويشيل مني هموم
فيروز امي الصبح ........ واتضمد اكبر جرح
وبالليل لو غمضت ........ يطلع عليها التعب
واون ونين الطفل ........جن صوتها ام كلثوم
ولو بينه حست الم ....... مثل الحمامه تظل
تبعث هديل الحزن...... وبحب بلا شعور اتحوم
وعالناس ماتعتلي...... عدهه التواضع طبع ...... والزاد هالمقسوم
وما يوم امي شكت ....... بس تبجي من كل كلب
لو عيد رايد يجي ...... وماعد ولدها هدوم
مسكينه امي شكثر .. شافت حزن بالعمر .... ماجنهه عدهه اهموم
وحيرني بامي طبع ......... للضيف تركض ركض
واتكله مية هله ........ ونورت الدار اليوم
ووالكعبة مية علي........ تحجيهه يله تكوم
وعد امي طعم الطبخ ......... يختلف عن كل طبخ
لوحته جاي وخبز....... جي امن اديهه يجي ....... ماودك انته تكوم
بالوصف ماقصرت....... بس اعترف قصرت
الجنه ماتنوصف ....... مابين ليله ويوم
.........................
مماراق لي وادمعت له عيناي
