مكالب واللعب صار عله جرت كــاس
ونصبت كراسي اطالب ابكاســـك
باعك نفسه ذاك الكالك مشتــاك
من طبلك تعنه ابلهفته وباســـك
اعلنه ابحضرتك كالك هلجيـت
افززهه ابضميرك سكتت اجراسك
ومن رفعو عباته اتبين المضمـوم
ثاري احمود ناوي يذبحك افاسـك
حطابك تبين موشغلته اشجـــار
حطابك تبين يذبح ابناســــك
المن ياوطن تطيه هاي اــلروح
اذا كله الايادي اطالب ابراسـك
الخاف عله وردك لاتجيسه الريـح
رد اردود ليك ابجمرته وجاسـك
والجالك محنه ابهيت الفـــلاح
كام انوب هو يكطع ابياسـك
جاشلك بعد بجابلك تابــوت
وبجفوف المنايه اتناوش انفاسـك
الحرامي الباك بيتك موغريب عليـك
يندل وين جانت جوهرة ماســـك
ابنك والتعلم بيـــــك دار ودور
رد علل غريب يبع كراســـــك
كافيك بعد شمتاني صار الصـــار
موصارو فأوس اتهدم ابساســك
من كد ماروو من طيب كاعك ماي
ردو ليك طيبك داسو ابطاســك
كوم وشيل حملك لاتتاني اجفــوف
واحد حمله شلته ومن وكف داسـك
وفتح زين عينك لاتأمن ذيــب
تدري الذيب شارك بيك حراسك
وبيك انتاني كمنه اعيادنه ابعـاشور
وتتلكه ابواجي اطفالنه اعراســك
باجر بيك يوكف حيدر الكــرار
شنكله التهينه وعفنه عباســك
