امساهر ومكدر انام
انتظر صبحك يباجر
وعيني تنظر للشوارع
وحشة منهه الأمن طاير
وشفت طفلة اعلة الرصيف
نايمه وتكسر الخاطر
وضع هل طفلة ذهلني
ورحت اشوفن شنهو صاير
كصدت متعني للطفلة
وبوضعها انه حاير
ويوم سمعت صوت جدمي
فزت وعقلي تطاير
كالت عمو اني زينب
انه اعرفك انته شاعر
عمو ماتوا كلهم اهلي
والله فجعتني المناظر
ذبحو امي وهم ابوي
وحته اخوتي اعلة السراير
اواحد من الي اجونه
صوته عالي من يخابر
... احنه كملنه العلينه
وانته حظر النه الدفاتر
عمو تسمحلي اسالك
عمو شنهو هل دفاتر
كلت هاي فلوس يعني
وذولة ما عدهم ضماير
وسفه يعني انبعنه احنه
والوادم بدمنه تتاجر
ارد اناشد كل عراقي
براسة غيرة بن عشاير
خلي نكعد ننسة كلشي
لان دم البينه طاهر
ولان هذه الوطن بيتك
عل وطن نسهر نناطر
عل وطن نسهر نناطرتحياتي
مصطفى العراقي
