سمارك والعيون السود والطول
ورصعه الفوك خدينك قضيه
اذا شفتك مثل ماطاب بستان
احير شآكل وشلزم بديه
على اغصان الشفايف جوري خدران
يضحك للهوى وروحه نديه
وباقه من الورد اشكال والوان
بصحن خدك انجمعن مزهريه
طولك نخله برحي تريد صاعود
يحوي بجفه عثكينك سويه
وضحكتك مي سواكي ترطب الروح
تنزل عافيه ومابيه اذيه
نظراتك الي زفة عصافير
واشب ل الله وتميل الكاع بيه
حنجك مي زلال بصحن بلور
عطاشى الناس راعيهم خطيه
من تمشي غصن ريان بالريح
بجاهل لو تمر ينسه ابيه
مو ادري حلو شورطني وياك
وجبتك بيدي دليتك عليه
خمسه شموعك العدن العشرين
وينراد لدلالك قابليه
بيك الزمن عوض قسوته وياي
مورشوه ..حلف جابك هديه
والي من قدمك جن قدم الكون
وكفت كبالك واديت التحيه
..................................
من روائع الشاعر رياض الركابي
تحيااااااااااااااتي
