ست البنات..
ست البنات
******
انتي شمعه اتضوي دوم..بكل ليالي المظلمات
انتي أجمل ذكرى عندي..واحلى كل الذكريات
وانتي دجلة بليلة كمرة..اتغازل اعيون الفرات
انتي شتلة ياسمين..تضحك بنص النبات
ومن عرفتج عيد كليبي الحزين..ونسا هم النايبات
وانه صرت وياج دنيه ..اتعيش بيه الكائنات
واملت روحي اعل يوم..اتعيش وياج بثبات
وصرت وياج من اسولف..ابيا لغه من اللغات
احجي ابضيمي وهمي..لو احرك ساكنات
الهج باسمج واغني..بكل وكت احلى اغنيات
ورسمج بعيني اشوفه..من اشوفن طالبات
وروحي كله وياج تمشي..اتهيم وي الهايمات
اتبات بالديره ليله..وليله بالقسم تبات
تايه وياج بهواج..وتبذل اقصى التضحيات
وهذا طبع اليحب يوفي..والله يا ست البنات
وهذا طبع اليحب يتعب..صدكي يا ست البنات
وصكي لو ماكو محبه..كلشي ما تسوه الحياة
كلشي ما تسوه الحياة
**
**
احزان الامير كانت هنا
