اجر حسباتي بيك وبيك اسولف دوم
واتاني الليل يطلع يعد حسباتي
واصفن بيك اشوفن صورتك بالعين
وتالي الكاك صفنه بضمن صفناتي
واساهرلك ليالي واكعد وي الضيم
والكاك انه ونه بين وناتي
والاعب طيفك الغافي اعله رمش العين
وبس افتح جفوني تزيد لوعاتي
موجيف انه احبك دوم افكر بيك
بس جيف انت صاير ضمن صفناتي
لوحتى القلم يعجز يخط حروف؟
اخطلك دمع عيني بوسط ورقاتي
واذا اكولن احبك
تدري ماوفيت؟؟
اكثر من احبك اني احبنك
ومااكولن اريدك لأن كلك طيب
بيه وبعد صدك مااطلعنك
واكتبلك شعر واسهرلك اني الليل
واشوفك يمي ذايب شمعه اشعلنك
واصيرن خيط غافي بنصك يموع
واذوبن بيك انه ومااذوبنك
واريد احجيلك العندي
ياخذني الخجل منك
لوكلبي يضم اعليك؟
عيوني تكول احبنك
واحس النار بضلوعي يوم المااشوفنك
وادوخن دوخه التعبان
لويمي حجوا عنك
واذا رادوك بعض الناس؟
اصيح بصوت اريدنك
اصد عنك
امل منك
جذب من كال اعوفنك
لوحطوا بدربي النار؟
ادك بابك واشوفنك
شتريد تطير؟
طير
هم تحط واصيدنك
شتريد تصير نجم بسماي؟
هم تلمع واشوفنك
تريد تموت اموت وياك
وكبل منموت اصيحن حيل احبنك
.................................................
منقووووووووووول للامانه
