تغيّـر كلشـي بـيــنه بهــاي الأيّـــام
وطـوينـه المـاضي وَي جلمــات أهلنــه
تطوّرنــه ...
ونـزعنـا ثيـاب الأســلام
بقت بـس الهويـّـة إثبــات إلنــه
تـر بيّـنــه بـزمـن متشبــّع بخــوف
وحِملنـه من المصــايب
مـااااااااحِملنــه
بأرض صَبخــة زرعنـا
ومـاحِصـَل ماي ...
وصُفَــه كل العُمــر صــايـم شَتلنــه
شكد مَــرّت مَــآسي
وشفت لـوعــات ..
ورَغـم محتـاجة مـا بَيــّن عَليــّـه
مـامَـــدّيت جـَـفـي بسـاعـة العـــوز
وظَلّــيت أنـه ذيــج الشَّـمــريـة
أشــوفن نــاس
مـاتشبــه وجــوه النــاس
أشــوف الظــالم بـوجـه الضَّـحيـــة
والخـــوّة إنـدفنـت
من سنيــن وَي عَبــّاس
وسَبـع عِــدنه الحُــفـر بيــر لأخيــّـه
كَتّــرنه الأُصــول إعلى الـروازيـن
وسَــوّينـه الأخــلاق ألبــوم تـذكــار
قِيمنَــه إنـذبحـت بسجّيــن الأنــذال
وقِيــَم جَتنــه جـديــدة
بثــوب الأستعمــار
أمـاشيــهُـم ...
أضيّــع الآخـــرة ودنيـــاي
عَنهــُم أبتِعــد ...
ويحــاوطـــوني بنـــار
لجن راح أبقى أعــارضـهُــم
وأظــل للمـــوت
وجــدمي أتبـــَـرّه منـه لو وِصــل للعـــار
أنـه بنت العـــراق ...
ومــا أزِل مــا أحيــد
مـابيــع الثيــاب الطـــاهــرة وديــِنـي
ومـو كِـل ثــوب أفــرح بيــه
لن إجــديــــد ...
ولا لِبــس الغــواني راح يغــريــني
تمشــي ويــه التطـــوّر
لازم إيعـــَرّوك !!!
من غَم الثقــافــة اللّي تِعَـــرّيــني
خَلَيّــــني
خلََيّــني بجَهــل ...
وأبقــى بتَخَــلّف دووووم
وخَــل أبقــى بنَظــرهُم
دافنــه سنيـِـنــي
إصحــوا يــــاااااا بَشــــر
كَـــرّمنــا رَب الكـــون
بنبيّ الــرحمــة مُحمــّـد
وأهلــه وأصحــابــَه
كِضه عُمــره يــألف بين الكـلوب
وبَــس غُمـضَــت عيــونــه
إنكُلــبـت ذيـــابَــه !!!
وين الأمــر بالمَـعــروف
يــااااا إســـلام ؟؟؟
مو فــايـض المُـنـكــر
وإسـتــِـوَت غـــابــه ...
هــاك إقــرأ
وتِـمَــعــّـن بالـسِــيَــر زيــن
وشــوف شلَفــلَف التــاريــخ
بـثـيـــابَــه !!
أنه قِــر يت من الكُــتب
وتنــاقِلــَت الأخبَــار ...
عَن بَضــعَــة مُحمــد فــاطِمـة الزهــره
عــاشت بالسِـتِــر
وحَــد مـا وِصَلــهــا المــوت ..
أريــدن نَعــش كــالت
جِســمي مَيـظِـهــره ...
رَغــم وَصــّت دَفنهــا وَي ظــلام اللّيل
لَجن رادت تِــرسّــخ بينـه هـالفِكــرة
اليحــافِظ عَ السِــتـر
واليِــزهــد بـدنـيـــاه
يحشــره البــاري ويّـه الهــادي والعِتــرة
بقلم : رفيقــة القمــر
غير مبروءة ذمة من ينقل القصيدة
بدون ذكر اسم الكاتبة
.. رفيـقـ ـة القـمـ ـر ..
