المليون دارمي .. تنفرد فيها منتديات الفرات

گالت ييونس عاد انطيني مهله
ياهي التحبها گول والشغله سهله

گلتلها سهلة ايش هذي حمامه
كلما اصلها تطير مگومه القيامه

گالت بسيطه يجوز هذي زغيره
گلت اني انجنيت شوفيلي ديره

شوفيلي ديره يوم خليني اهاجر
گالت اخذ وياك ذني الدفاتر

گلتلها عندي يوم خليها مصرف
هي تقصد الاشعار ثاري آني مخرَف


اني مكيف عبالي الدفاتر دولارات هههههههههه

ضحكت علي وتگول يونس يبومه
گلتلها يمه ارجوچ قابل حكومه

اصحى يديچ الفار ناوشني دفتر
محتاج انا للگاز وارد اشري تنكر

محتاج انا للگاز رايد اخمطه
من المصفى اطلع رون شايلّي جنطه