المليون دارمي .. تنفرد فيها منتديات الفرات

امي تحس ببچاي وتگلي باوع
غصباً تطيع الام گلتلها اطاوع

امي تحس ببچاي وتگلي امشي
گلتلها حاضر يوم امشي اعلى رمشي

امي تحس ببچاي وتگلي مگرود
ياهي التحبها وليش الدرب مسدود

امي تحس ببچاي وتگلي ويلي
ليش التحبها تروح يا بُطل حيلي

امي تحس ببچاي وتگلي احبك
يوليدي اصبر لا تضيعلي تعبك

امي تحس ببچاي وتگلي اسمع
گلتلها اسمع يوم بس خلي ارجع

امي تحس ببچاي وتگلي منهي
گلتلها وحده هناك عصفوره چنهي

گلتلها يمه ارجوچ ادعيلي بالموت
اجبريني عالماريد وعالعالية صوت ؟