المليون دارمي .. تنفرد فيها منتديات الفرات

بكلبي احط سجين وبيدي اجويه

فنه اليكول انساك نصين اسويه

الگلب ماناسيك صورة الك راسم ..
حب من عهد صدام مو حب حواسم

أحچي بصراحة وياي حلوة الصراحة
ميلوگلك والله طبع الوكاحة

راح اكطع الدلال وبيدك اخلي
وبعينك انته اتشوف ياهو السكن بي

يا يمه شيلي الزاد بالهم تغديت
جابولي طاري هواي بالزبد غصيت

أصبر واشوف شلون حكم الله وياي
خاف أمن اكولن آه تتشمت عداي

راح العمر حسرات والهم اكلني
وامي تحس ببچاي وتگلي غني

امي تحس ببچاي وتگلي باچر
اخطبلك من الجار گلتلها حاضر