استراحة الشعر والشعراء وكل احباب الشعر الشعبي ترحب بكم احبتي

الجمال البيك ما مثله جمال
وتدري منك غار بستان الورد
إنته ربك ميزك عن العباد
تطلع بتموز يكتلنه البرد

ماأريدن يجهد السانك كلام
آنه أفتهمك إذا تهمس همس
اليوم ماشفنه شمس وكت الشروق
ليش ماتصعد تصير انته شمس

إكتب ياقلم خل تشهد الايام
والتاريخ شاهد يبقى عالساحة
الثابت بالگلب ماينمسح للدوم
إلا الگلب نفسه يصير مساحة

ياباقة ورد أهديلك انته شلون
الورد منك خجل مايدخل السلة
لأن مثلك ورد منوجد في هالكون
إذا إنته الورد في عالمك كله

شاعر عاش عمره بحسرة العوز
وشاعر بالترف من عاش عمره
شوف انته الفرق مابين الاثنين
ياشاعر تحس من تقره شعره

كون ايصير كلشي بعمري مگلوب
وارضه بكل شي يطلع عن أصوله
كون اول حياتي الكبر والشيب
وآخر لحظة من عمري الطفولة

جدمي عطل بوداعك ولاسار
وكلبي مافرح بعدك ولاسار
فديته بعيني أليمنه واليسار
عمن يوم مر فركاك بيه

اصد وزعل ودير العين طبعن
بسبب لجمات لك بلگـلب طبعن
حلو وتنحب لكن بيك طبعين
تشك وتغار من روحي علية