استراحة الشعر والشعراء وكل احباب الشعر الشعبي ترحب بكم احبتي

گمت اغار اهواي من عندي عليك
وأي جزء مني عليك يعاني
ولأن يحچي اهواي وياك اللسان
گمت اسولفلك بدون الساني

اقبل اي جرح بس جرح الاحساس
يظل ينزف عمر لو بشر داسه
ميضوج الورد لو داسته الناس
بس يضوج اذا الفلاح داسه

بذاكرتي مسحتك واسمك انته انزال
وانسيت الغرام وتيهت دربي
وفجأة اذكرت وگليبي ظل يهواك
ثاري اسمك طلع مستنسخه بگلبي

عليك شگد اخاف شگد اداريك
حبيبي اتمنه داخل گلبي اضمك
إذا مو إنته بيها الدنيه شتفيد
ولك همزين ابوك اتزوج امك

ماأريدن يجهد السانك كلام
آنه أفتهمك إذا تهمس همس
اليوم ماشفنه شمس وكت الشروق
ليش ماتصعد تصير انته شمس

يالوصفك مدارس جيل يتبع جيل
وحسنك صار منهج حتى للروضة
خصرك درس اضافي وعالدروس امتاز
عفنه دروسنه وبس درسك نحفضه

عذرا ما امدحك خايف من الناس وتدري الناس عدهه احلوك مفتوحه لانك روحي انته وخايف ايكولون شكثر مجنون هذا ويمدح ابروحه شكرا لكِي وتقبلي مروري

بكثر شوك النخل والشجر هميت
المبعد لاتحسبه عدل هميت
تجي لاتضن ابعسر هميت
اهم ابفركتك صعبه عليه