استراحة الشعر والشعراء وكل احباب الشعر الشعبي ترحب بكم احبتي

مر والمراره البيك محد حواها *** روحي اشتهت ملكاك عفيه شكواها

لانفع نصحي وياك لانفع لومي *** انا ادري ما محضوض راح ابقى دومي

بالك تمر بالدار عنها اشمر بعيد *** دار العزيز هواي نوح وبجي تريد

عمدا امر بالدار والنوح ازيده *** واسمع صداها يكول راح التريده

حسبالك اترجاك يالحزني عيدك؟؟ ... لا ما اطخلك راس لو روحي بيدك

وين البخت يفلان وتكلي مبخوت ... لو اشتغل دفان هم محد يموت

عيد اليمر عالناس كلهة استراحت *** بس انة انوح عليك وعيوني راحت

لاتهتم على الراح وي همك الراح *** والعالي مو بالطول بالصبر ينلاح

بكلبي احط سجين وبيدي اجوي *** فنة اليكول انساك نصين اسوي

ثاري الكلب بالشوف اقوى من العيون *** يعني التضيعة العين بالكلب مدفون

غربة ودمع همال فايض بأدينة **** مشتاكة للطيبين روحي الحنينة

بكلبي اجر اسلاك بس كون اتصل بيك *** فدوى الرصيد ايروح بس كون احاجيك

كل مر جرعته يهون بس مر الفراگ ... أشهگ بشهگه موت من گلبي يشتاك

مثل السمج علگاع خلتني دنياي *** لا مشوي لا مطبوخ لا واصل الماي

تدري آني شعري سهام لو صوبيتك *** من كلبي هذا أحساس تفهمني ريتك

أعرف أسرارك زيــن وعرف سهامك ... طيبة ومحبة البيك موضع كلامك

يم بيتي ريتك كون واشمرلك العين *** تشبعلي منك شوف وتردلي بعدين

أشمرلك العينين لو يمي بيتك *** وانتحر ست مرات لو ما لكيتك

خليني فدوة وياك للموت اريدك *** صدكني روحي تروح من الزم ايدك

اجرحني انته وشوف عاين عليه *** ما يمشي دم بحشاي تمشي انت بيه

كلب صافي لو تهوه كلبنه
وابد مايوم عل الصاحبكلبنه
احنه ضلوع الك وانتكلبنه
ونحافظ عل الكلب من كل اذيه

اتمنه امر على الدار وشتم عطركم**** وكتب على البيبان عذبني حبكم

لوغبت عنك يوم ما حاجه تهتم***دورني عندك شوف تلكاني بالدم

ما ناسي كلي اشلون واتعذرك بيش ** من غبت عن العين محد سأل ليش

ليش انته دوم وياي ماعندك انصاف *** كلبك صخر جلمود من الله متخاف

لا تحزن وتحتار لو غبت عنك *** كل الادلة تكول ماكو اغله منك

أول عشــــك وياك ماظنــي أنســه *** درس اصبحت يهواي يوميه أدرسه

نارك يخايب ماي مو مثل ناري *** من يطري بية الشوك يحترك جاري

ألگلب لو ينساك للموت ادزه
واكتب عليه بذات خان اليعزه

حبك صعد للراس خلاني ما اكوم
أمطر محبه وشوگ صدگني ألكم

انا ويا انا اثنين ناتج جمعنه
جمعونا انا وياك واحد طلعه

انا ويا انا اثنين ناتج جمعنه
جمعونا انا وياك واحد طلعه .

سبحانه من سـواك نص وجهك إعيــون
إزغيــر سبيــت الناس من تكبر شلون

ثاري الكلب بالشوف اقوى من العيون *** يعني التضيعة العين بالكلب مدفون

اجرحني انته وشوف عاين عليه *** ما يمشي دم بحشاي تمشي انت بيه

خليني فدوة وياك للموت اريدك *** صدكني روحي تروح من الزم ايدك

كل مر جرعته يهون بس مر الفراگ ... أشهگ بشهگه موت من گلبي يشتاك

عيد اليمر عالناس كلهة استراحت *** بس انة انوح عليك وعيوني راحت

لاتهتم على الراح وي همك الراح *** والعالي مو بالطول بالصبر ينلاح

اَحبك على حبك تَوني مفطوم
واغار اعليك من همسة دلالك
وإذا ويه خَيالَك شفتك ابيوم
اَشك الكاع حتى اَمسح خيالك