من عمت عينة الكال مو مخلص وياك
مثل الجمر بلنار كلبي على فركاك
عرض للطباعة
من عمت عينة الكال مو مخلص وياك
مثل الجمر بلنار كلبي على فركاك
شالوني للدكتور گاللهم اخذوه
علته حبيب الروح ليعنده وصلوه
مشتاكه روحي عليك شوك الله كله
وكلبي التلوع بيك حاير شكله
تدري الله من سواك مادزك بساع خاف انقلاب يصير من توصل الكاع
للخوه ماقضيت شي ماقضيته
حتى الصخر ياناس وتوسديته
الدنيـــا للتـــهوى أتـــرخيلة الحـــبال
اتــنزلة طــيب الــذات وتــرفعلة الانــذال
خل يشتفون عداي ميهمني كلشي
اسكت واضم بحشاي لو ردت امشي
خل يشتفون عداي وخل كلها ضدي
لو شفت اهلنا شحاح يا حمرا مدي
لا تكطع اترجاك سمعني كلمه
والله الهوى بلياك ما يسوه اشمه
هاك استكانة جاي أشرب عوافــي
أو دزيته لك مخصوص يامايه صافي
للكناري اين انت
من دارميات المليون
سنصل للمليون قريبا
كن هنا دوما
تحياتي
بيدي أوقرضها الفار فجت عباتي
كل هذا ماطخيت وامشي ابرهاتي
شقيت ثوبي أعليك وصلته للنــص
جاوين قلبك أوياي صاير مثل جص
سباحه لك بالروح خضرى أوطريه
تسقيها من تشتاق وتمر علــــيه
ينقاس بيك الذهب مو بالذهب تنقاس
يالبيك طبع الوفه ما ينوجد بالناس
خانكني دمع العين من شوكي الكم
دوم الكلب ملهوف يسألني عنكم
كلمن يكول انساك صدكني جذاب
حبك جرح بالروح ينزف ولا طاب
شماتي مو شمات شماتي تسعة
والعــاشر اصـغيـرون يــاشر بصــبعـة
ليش التريده الروح عمداً يضرها
لو يدري كم تهواه يمشي بأمرها
اخي الكناري ارجو منك المعذره انو في هذه الفتره مدا ادخل على هذا الموضوع بسبب الضروف الي عندي
تحياتي لك
اقتباس:
المشاركة الأصلية كتبت بواسطة عراقيه غيوره
معذورة اختي الكريمه
عارف ظروف شبكة النت اللي انتِ مشتركه فيها انها عاطله وانهم بصدد اصلاحها
ترجعين بالسلامه ان شاء الله
المسأله عاديه جدا
اللي يحب يشارك حياه الله واللي ما يحب حياه الله
تحيتي لك
حنيت انا لبغداد ولشوفة الناس
واللي ما يحب بغداد ما عنده احساس
الغربة ما تنراد بس والله مجبور
عمرك شفت عدل يسكن بالكبور
ياعراق انهض كوم واسند علينا
بدموعنا نسكي الي يبس و نشيلك بدينا
حسـره إلك بالدلال ظـلـت لماأمـــــــــــــوت
ماتدري حقها الناس إصوابي بسكـــــــــــوت
أسمع سمع بالعيد .. مادامــك بعيد
ما باوست خـَّدين ..ما صافحت إيد
غصبا علينا احيان نمشي على النار
ما نشكي لاحد ضيم ولا نحچي اشعار
كـلبي أرد أكـصه إبموس وأكوي إبمكانه
علمني إعله درووب كلهن مهـــــــــــانه
كلبي أرد أكـصه إبموس وبفاس أكطعه
خلصها بالسختــات مالحك ربعــــــــــه
يالردت عني اتروح خليلي صبرين
واحد يصبر الروح والثاني للعـــين
شامت وكًًف عل الباب حايرشـــــكًًـلـه
أرتجي إعله المكســــور لو دمعي إهله
اخي الكناري اريد عليهه رد بصراحه هذا الدرامي هوايه مناسب اليه في هذا الوقت
اقتباس:
المشاركة الأصلية كتبت بواسطة عراقيه غيوره
تؤمريني امر سأرد بسلسله من الدارميات شلون ما تطلع تطلع انتي وحضچ لكني ساراعي مشاعرچ باعتبار ان الشماته احقر صفات الانسان ,,, كما تعلمين انا ارتجل الشعر والدارميات والزهيري والعتابه ارتجال
وهذا اول بيت دارمي رد على بيت الدارمي اللي تفضلتي به
الشامت اگص يمناه لو بس رفعها
وهو شعليه بالناس ينطر دمعها
لعيون عراقية غيوره
خل تجتمع شمات دنيانا عالباب
القافله من تسير ميهمها الچلاب
لعيون عراقية غيوره
ما اتفه الانسان لو شمت بينا
ويفرح اذا نغتاض ويسمع بچينا
اقتباس:
المشاركة الأصلية كتبت بواسطة الكناري يونس الجبوري
تسلم اخويه والله صح لسانك
بصراحه الدرامي جدا عجبني ومعبر جدا
دمت في حفظ الرحمن
اقتباس:
المشاركة الأصلية كتبت بواسطة الكناري يونس الجبوري
تسلم عيونك اخويه
من كثر حر الضلع أحترقن هدومي
وتسعين ناقة وجمل ماشالن همومي
ميت والمعزيات يبجن عيـــــاره
طفن على التابوت راس الجكاره
صباح الخير على عيون الفراتيين
:66 (46)::66 (46)::66 (46):
لو بس تمر عالروح وتسأل على الحال
تلكاني ناسي الروح بس انت عالبال
اقتباس:
المشاركة الأصلية كتبت بواسطة طيبة النجف
صباح النور
:66 (46)::66 (46)::66 (46):غاليتنا طيووووبه:66 (46)::66 (46)::66 (46):
عافوني دون اسباب وآني برجاهم
ضيعت عمري الراح اركض وراهم
گول عني شماتگول صوبي كم صعب الوصولولي ميضوگ العنب حامضَ عنه يگول
يسألني البطران حالك اشلونــه
الغاضب الله إعليه هم ينشدوونـه