أفز باليل نص الليل ونجوم السما شهودي
لاجل عينك هجرت النوم هم تسهر على مودي:66 (46):
عرض للطباعة
أفز باليل نص الليل ونجوم السما شهودي
لاجل عينك هجرت النوم هم تسهر على مودي:66 (46):
ويا النجم سهران وايدي أعلى خــدي
الليل أوظلام الليل شو كلها ضـــدي
وحدي ابنص الليل بس حيرتي أوياي
أبجي أعلى وقت الراح واتنطر الجاي
بالك تقول الاه ياخويا بـــالك
كل التقوله ايصير روحي ابدالك
علمني عالنسيان ارد انسى ضيمـــــك
وي غيري قمره اتصير بس حصتي ضيمك
كلبي التولع بيك هد حيله الفراق
بكد الهوى والماي والله الك مشتاق
تقبل مروري
وحدي ابنص الليل بس حيرتي أوياي
أبجي أعلى وقت الراح واتنطر الجاي
إشماتقول الناس عندي أنته لول
سو كلشي بالدلال يالحلو مخـوّل
رفرفت مثل الطير روحي على ملكاك
لايمي وافرح بيك ولا اكدر انساك.
تحيتي وشكري لصاحب هذا الطرح المميز
نارك يخايب ماي مومثل نـــاري
اومن يطري بيه الشوق يحترق جاري
هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون
ليش من اشوف هواي اشرگ بالدموع
واخفي الألم بچلاي وارجعله رجوع
ليش من اشوف هواي انسى السوالف
ولو ردت اشرح گال : بس ,,,, آنا عارف
ما بطلت ماجوز عنك يالاسمر
امك تحبك حيل؟والله آني اكثر
امك تحبك حيل خو أدري بيها
لو ردت اسولف بيك يُبطَل حچيها
لو ردت اسولف بيك من تشب ناري
ليل ونهار تصير تدوّر الكنــــــــاري
لو ردت اسولف بيك وانثرلك اشواگ
نص الخليج يشيل ويسكن بالعراگ
گالولي ولفك راح گلتلهم ... اهواه
يرجع واحضنه بشوگ وافرح بملگاه
اعمه بخرابه وتاه وانت اخرس وياه
شتكله لوحسيت حيه على علباة
بالك تكول بيوم راح ونساني انت الكلب والروح يعني انت اني
مـــــا نسيتك انه بيوم تعقله ناسيك
من عندي دوم تضيع وبكلبي الاكيك
ألاگيچ بوداعه وطيب لانچ طيبة ألمعشر
ولأن گلبي تولع بيچ من شاف ألصدر مرمر
أحب رمان ألهويدر وعلى شويه بعد اكبر
وأحب العطر بثيابچ عليّ ويفوح منه حَرّ
ما تقدم اول بيتين من قصيدتي الغزليه الجديده
تكمل اليوم ان شاء الله وتشوفوها
بصحراء اعيش وياك واحسبها جنه
خل نمشي اني وياك ونعوف اهلنه
بعيوني شفتك زين شمعه بخيالي
رسمتلي صورة طيب دوم عله بالي
اتسودن من الگاه ابچي واغني
واشعل العشر شموع لو نشد عني
عاشرتك انه ابروح مو بالسوالف
كلب ويه كلب يصير بالزهره حالف
اصيل اليذكر العشرة غالي وما نزل سعرة
وذا دار الزمن بينة ندير ايامنة لعمرة
العمر حفنه سنين ما ندري بيها
ولو راحت الايام نبچي عليها
بيت البنيته وياك واعكاده الاضلوع
ميخر وحك عيناك لو تمطر اسبوع
كلمن على ليلاه يبچي ويغني
وآنا صفت ليلاي بس بالتمني
خلي تفزع الشمات فزعه جبيره
بس انته كون وياي اكسر عشيره
كل ظني بيك ارتاح بيك اظوي داري
ثاري طلع يفلان حبك تجاري
حبك تجاري ليش وتغلي الاسعار
كنت اعتقد حباب ما ادري سمسار
ههههه على طاري التجاري
تسلم ياكناري لردك الجميل هنااا
نار ودمار شلون تصبح خرابة
بس الوطن مقهور روح شبابه
الوطن بالتاريخ شاف اقسى من هاي
نظل نفگد الميتين وننتظره للجاي
يالتون تالي الليل سمعني حسك
لولا القلت والقال لعبر وونسك
شحجي وتريد الناس من عندي أحجـي
دمعتي إبطرف العين بس أحجي أبجـي
عندي اجمل الساعات من اكعد وياك
اني الدوه الموصوف لو جرحك اذاك