بيه تدري اشصار من رحت انت
جثة بلاية روح ولساني سكتة
عرض للطباعة
بيه تدري اشصار من رحت انت
جثة بلاية روح ولساني سكتة
وحدي ابنص الليل بس حيرتي أوياي
أبجي أعلى وقت الراح واتنطر الجاي
ليش الفرح لحضات والهم ليالي
هو الفرح ممنوع لو سعرة غالي
يوم الاشوفك بيه عيد ومسره
من يمر أسمك ليش تخنگني عبره
كحل العيون ايصير يوم الاشوفك ..
. ما اكدر ابلياك لتظن اعوفك
اجرحني انته وشوف عاين عليه
ما يمشي دم بحشاي تمشي انته بيه
هاك استكانة جاي أشرب عوافــي
أو دزيته لك مخصوص يامايه صافي
ياكلبي كافي تلوج محد يسمعك
حتى التعبت اعليه عافك بهمك
شحجي وشكول اعليك الله اليجازيك
ما صدكت فديوم تجفي امنحاجيك
منك عطف مااريد خويه الله ارحم
معلم على الصدمات خلهه اتلملم
هموم العلي جبال بس الله يدري
وآني ادري كلش زين تنطيني عذري
تاهت واريد وياي ننشد عليهه
روحي اللي ذابت بيك ما ادري بيهه
ولفي دمرني الشوگ ونيران الفراگ
وياهو اليگلي شبيك او يدري مشتاگ
اربينه بفرد ماعون چـفـّي ويه چـفـّك
واشما ردت مــمــنون تلگاني صـــفـّـك
بخير واريد اتدوم عشرتنه وياك
طيب وابن جاويد ابدا مننساك
روحي اشتهت ملكاك وتكول اريده
صلفه وتريدك دوم كلش عنيده
رايــد اشــمـّـك حـيل اتــدنـه يمـّي
تنسعد روحي وياك نسيني هـمـّي
لاتظن مني انساك لاساعه لايوم ؟
واتمنى تبقه وياي كل عمري للدوم
عمري الگضيته وياك صدگ ممحسوب
يخلص الليل بساع يا احــلى محـبوب
ننساكم ابد ميصير
بس الوكت لاهينا
ماننسى الحبايب يوم
ماطول النفس بينه
ننساكم ابد ميصير
بس الوكت لاهينة
ماننسى الحبايب يوم
مادام النفس بينه
شنهو العسل وياك ما يسوه فلسين
العسل ظاكك كال هذا الحلو منين
شبحت عليك العين ما تقبل اتنام
واتنطرت ملگاك صار الهه ايام
سكف البنيته وياك كل ضني يعمر
بعده المطر ماطاح بس غيمت خر؟؟
يا هله ابنت الاجبور نورتي االدارمي
لكي مني ارق التحايا وابثعلج سلامي
الدنيا ليش اصبحت ضدي مع همومي
والعين رفضت لذيذ العيش وي نومي
الدنيا ليش او ياي شدة عداوه
خلتني احجي ويا الناس بكل قساوه
لا تهمل اليهواك حاسب ضميرك
صدكني يالمحبوب ماعندي غيرك
لا تهتم على الراح وي همك الراح
والعالي مو بطول بالصبر ينلاح
كلمن يكول انساك صدكني جذاب
حبك جرح بالروح ينزف ولا طاب
صباحكم خير
دفتر احزاني انفتح من يوم فركاكم
وقلبي ذبحني ذبح ايريد ملكـــــاكم
راحت ليالي السعد مآظنها بعد تعود
وگلوبهم هالخلگ صارت علينا سوود
كعبه الوجه يايوم وجهج ديانه
خاف الله منه ايروح انتي ابمكانه
***
السلام عليكم
كيف حالكم جميعااا
علمني عانسيان ارد انسه ضيمك
وي غيري كمره تصير بس حصتي ضيمك
هلو عيون شلونج عيوني منوره احنه بخير
أشمرلك العينين لو يمي بيتك *** وانتحر ست مرات لو ما لكيتك
لا تشكي همك للناس الشكوه حيرة ... محد يصيح احى من جرح غيره
ضاگت علينه شلون دنيانه ضاگت
ضيم وقهر وهموم والروح شابت
كلبي انكلب تنور بس ناره مو نار
ملتمه ناس عليه وتخبز بالاكتار
السلام عليكم جميعا شلونكم اليوم
وراح ابدي بمشاركاتي
يسلم نظرهه العين وتسلم حياتج
لو احجي ست ايام ما صل غلاتج
تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه