شنو رأيكم بترشيح عراقي الى الابد لكرسي الاعتراف ؟

هلااااااا عراقي...و اخيراً صدناك! ههههه
لا انا ما لااح اثقل عليك لئن احنا من نفس الحزب

- منو الاعب اللي تحبه اكثر شي بلمنتخب العراقي

- كم اخ و اخت عنك؟

- شنو رأيك بلاخت؟ و شنو رايك بل اخ؟

- اذكر مواصفات زوجتك المستقبلية

و هاي هيا خلصنا
انشألله ما ثقلنة عليك

تحياتي

هههههههههههه
لا صدك جذب انتي نورتينه

- منو الاعب اللي تحبه اكثر شي بلمنتخب العراقي

والله كلهم احبهم بس احب اكثر شي هوار ويونس ونشأت

- كم اخ و اخت عنك؟
اخ واحد
واربع اخوات

- شنو رأيك بلاخت؟ و شنو رايك بل اخ؟

ماعندي اي فرق بينهم ثنيناتهم خلقهم رب العالمين ويمتلكون مشارعر واحاسيس وكل واحد اله شخصيته المستقله


- اذكر مواصفات زوجتك المستقبلية

يارب الكه وحده خلقه واخلاق واهم من الخلقه هي الالتزام بالصلاة والصيام والعباده

مشكوره اميرة للاسئله واني حاضر
تحياتي

مشكور اخي عراقي الى الابد على هذه الاجوبه الرائعه والصريحه
وعلى هذا الجهد الذي كتبته لنا بكل رحب وصدق وسعة صدر .
ونشكرك على رائيك تجاه الاعضاء .....................
بارك الله فيك ...

عدت من جديد لاطرح عليك اسئله اخرى واخيره
وان شاء الله تكون خفيفه عليك!!!!!!

جمله شهيرة ترددها؟

شيئ حققته وتفتخر فيه؟

ماذا تركة في العراق؟

ماهو رايك بالحكومة الجديدة؟

لو كنت رئيس الوزراء ماذا تتخذ من قرارت؟

شخص تدمع عينك اذا تذكرته؟

ماهو رائيك بالقنوات الفضائيه ؟ واي القنوات التي لاتستحق المشاهده؟

حمامة زاجل استقرت على نافذتك تحمل رسالة من مجهول فمنمن تتمنى ان تكون؟

ما معنى الابداع في نظرك ؟

ماهي نصيحتك او ماذا تقول لهم للعراقيين في العراق ؟

وماهي نصيحتك للمغتربيين العراقيين في الغربه؟

من هو او هي: الشخصيه التي تجذبك وتحب ان تسمعه دائماً على الصعيد السياسي او الديني او الفني؟
واخيراً اقول لك :
يوفقك الله فيما ترضيه وتصل الى ما تطمح اليه ان شاء الله.

الف هله بيج اختي العزيزة قرة العين
والله اسألتج هي الاحله واالاجمل من الاجوبه
نورتينه بمرورج وباسألتج
ابدي بعون الله بالاجوبه



جمله شهيرة ترددها؟
كثيره الجمل
بس الاكثر : من يضحك اخيرا يضحك كثيرا
و
الوقت كل سيف اذا لم تقطعه قطعك

شيئ حققته وتفتخر فيه؟

التزامي بالصلاة والعباده
وتفوقي بالدراسه

ماذا تركة في العراق؟
اغلى ايام حياتي




ماهو رايك بالحكومة الجديدة؟

ممتازة في عملها وانها تحقق انجازات كبيرة لكن غير واضحه للعيان
بسبب الارهابيين والتخريبين والذين يحبون ان يدمروا ويخربوا وطننا الحبيب

لو كنت رئيس الوزراء ماذا تتخذ من قرارت؟

لن اتخذ قرارات اكبر مما عليها الان الان كل القرارات يتم تنفيذها والعراق والحمدلله بده يرجع شمله واكو تطور نوعي
بالوضع الامني
خل نتفائل اشويه كفانه تشائم وياس
شخص تدمع عينك اذا تذكرته؟

ليس شخص بال العراق باسرة عندما اتذكر ايامي وذكرياتي فيه تدمع عيني
ماهو رائيك بالقنوات الفضائيه ؟ واي القنوات التي لاتستحق المشاهده؟

لاتوجد فيها اي فائدة قنوات الاخبار تكذب الاخبار
قنوات الاغاني اسواء مما وجد في القنوات
القنوات المنوعه فيها الا القليل القليل من البرامج المفيدة
ما عدنه غير اقنوات الرياضيه بس لعشاق الرياضه بس الي ميحب الرياضه
ليشتري ستلايت احسن ههههههههههه
القنوات التي لاتستحق المشاهده؟
قنوات الاغاني
حمامة زاجل استقرت على نافذتك تحمل رسالة من مجهول فمنمن تتمنى ان تكون؟

من احد اصدقائي في العراق


التكمله بالمشاركه التاليه
لان دصير مشكله بالاضافه هاي كل مااجاوب يصير هيج
ضجت هههههههههه
تحياتي

ما معنى الابداع في نظرك ؟

الابداع هو اروع مايقدمه الانسان وهو ان يصل الانسان الى درجه الابتكار والتطور
فينتج شيء مختلف عن الاخرين في الشكل والمضمون

ماهي نصيحتك او ماذا تقول لهم للعراقيين في العراق ؟

الله يساعد كل عراقي وعراقية عايشين بغداد او بقيه المحافظات ان شاء الله يوم الفرج على العراق
ونصيحتي هي الصبر والتعاون بين العراقيين ماكو لا سني ولا شيعي العراق كله ايد وحده
لمن يشوفون الناس يكولن هذا عراقي او هاي عراقية ميكولون هذا سني وهذا شيعي
العراق من زمان ماكو سنه وشيعه
الناس اتكول بزمن صدام مجان اكو سنه وشيعه
لا والف لا العراق نشا منذ الاف السنين وقبل مينولد جد صدام مجان اكو سني وشيعي
لتغركم القنوات الفضائيه وكلمن يحجي او يكول اكو تفرقه
اثبتوا للعالم ان مهما الصعوبات الي توجد بالعراق العراق كل ايد وحده
والمو عراقي ليغركم حجيه حقه معايش بالعراق وشايف طيبت ناسه واخلاقهم
بالاخير احب اشكر كل عراقي شريف وكلمن سوه عمل خير او قدم مساعده لاخوه العراقي
وخليكم اي وحده متكاتفيين وصابرين
هي شده يمر كل العراقييين بيه
وشكرا
وماهي نصيحتك للمغتربيين العراقيين في الغربه؟

حال العراقيين بره البلد صعبه
بس مو بصعوبه العايشين بالعراق نفسه
الله يساعد كل العراقيين العايشين بره لان الغربه صعبه وكلنه دمر بيه يارب ينصر العراق
بنهايه المطاف ونرجع كلنه ويلتم شملنه واحنه الي انعمره بنفسنه بكل ماتعلمناه وكتسبناه من خبره
كولوا امين وتكلوا على الله
من هو او هي: الشخصيه التي تجذبك وتحب ان تسمعه دائماً على الصعيد السياسي او الديني او الفني؟


السياسي : كلهم يحجون حلو بس ماكو تنفيذ
بس احب اسمع رئيس الوزراء نوري المالكي
والله همه ديسون العليهم والباقي على الله

الديني : مرجعنه الديني الكبير ايه الله العظمى ( علي السستاني) و احب بطل لبنان
كله حسن نصر الله اني بنظري شجاع
وبطل وميخشه ويخاف من شي

الفني :والله همه ميستاهلون واحد يسمعلهم ههههههههه
بس احب اغاني حسام الرسام على الوطن وعلى المنتخب

ارجو ان اكون كفيت ووفيت بالاجوبه واني حاضر لاي سؤال بعد
تحياتي

مشكور اخويه عراقي على هذه الصراحه

واني من المعجبين بصراحتك وصدقك

هله بيك اخويه رامي نورتنه
اشكرك والله انتو تستاهلون كل خير واي شي اني بالخدمة
تحياتي

اخويه عراقي اعجبنتي في صراحتك

ما شاء الله الاخت قرة العين ما مقصرة بالاسئلة

و ما ضل عندي ولا سؤال