اذا اردت ان تفوز بالانتخابات وتصبح رئيس وزراء عليك بزيارة ايران

اتعجب ليش الكل تهاجم ايران مع انو بلد مسلم ومحب للعراق والائمه

ودوم متعاون مع العراق بكل مجالاته الاقتصاديه والتقنيه



المسأله انو السيد مقتدى كاعد بايران..

والاخوه راحوله حتى يتداولون معاه



ايران سياستهه واضحه بعدم التدخل بشئون الدول

كفاكم اخوتي..



كفافكم تسمعون كل مايقال من وسائل الاعلام وتصدقوه..فليس كل مايقال صحيح

اني عراقيه وافتخر بعراقيتي وانقهر اذا شخص رسملي مستقبلي هذا شي اكيد

لكن اذا رحت التجأت الناس اعرف مني واخذت منهم الخبره والفائده شو اللي يمنع؟؟

يعني بايران اكو كومه اطباء عراقيين ياخذون دورات تثقيفيه..

احسن ؟..لو يرحون لامريكا ودول الغرب؟؟

ماتصور رح تكلون فلان دوله اوربيه تتدخل بشئونا


بس لان ايران بالذات..وماتسمعوه من سفسطات من التلفاز والنت تتاثرون بيه وتتهجمون على هالدوله اللي شافت الويل والثبور من العهد البائد ولسه كل يوم تلاكي مئات الجثث لشهدائهه ع الحدود بالمقابر الجماعيه اللي حفرها نظام العهد البائد..
ومع كل هذا دتقدم مساعداتها للعراق بكل مضمار يحتاجه

اللي يكول ايران تتدخل يعني يردد كلام الوهابيين اللي يكرهون المسلمين والشيعه بالاخص

ويفرح قلوبهم..

ايران من تتدخل فقط وفقط من تطلب منهه الدول ذلك وللاستعانه وعند الحاجه

وان شاء الله يبقى العراق مستقل ورافع راسه
وتتوحد قلوب العراقيين وكلمتهم ..عالمحتل الامريكي واليهود
وليس على الدول الصديقه والجاره..

موضوع بالفعل يستحق التمعن
مع العلم ان اغلب العراقيين يعلمون ذلك ولكن
لا يجرؤ احد على الجهر
يسلم قلمك
تحياتي

شكرأأأأأأأأأأأأأ على المضوع الراقي..يعني واحد كضه نص عمره ايران شنو اتريده يطلع عراقي شريف كلهم بدن استثناء ..وانشا ءالله اطيح بيهم الطيارة كلهم محد يبقه منهم ..بس كول يا الله.تحياتي وتقديري

الى الاخ المدير العام يبدوا ان قادتنا السياسين لم يستطيعو ان يتخلصوا من ولائهم الى ايران وهذا يثبت عدم ولائهم المطلق للعراق العظيم شكرا موضوع ممتاز للغاية شكرا مرة ثانية

اقتباس:

---

المشاركة الأصلية كتبت بواسطة نور الهدى 2010

هههههههه
ناس اصيح ايران وناس اصيح سوريه وسعوديه

ليش محد جاب سيرت الهند الصين بنكلادش

ترا والله عيب عليكم والله صرنا مضحكه للايران والسعوديه ولكل بلاد العالم

ليون نضل نتهم بعضنا ليون نضل بهذا الحال ايمتا صار السني يكره الشيعي

هذا الكلام والافكار كلها اجت مع الاحتلال هاي الطائفيه هيه الهدف الوحيد من تمزيق العراق

طبعا ايران مصلحتها تحطيم العراق والسعوديه وكل بلد بالعالم حتى نضل نحتاجهم يكوفون معنا عشان الاخ يقتل اخو

استعين بسلاح ايراني او بدعم السعوديه حتى اخرب ليش هيجي رجائن كافي

شوفو حالنا بالغربه العراقيه ماتسوا فلس

والدكتور والاستاذ الجامي مهان يسمعو اشكال الاهانات

ليش مو احنا اهل الحضاره باي حضاره من حضارات العراقيه المتعدده صارت فتنه طائفيه

اخواني ارجوكم صيرو اكبر من هذا الكلام ارجوكم

شيلو الحقد الي بينكم وفكرو بلدكم

ارجوكم
(اللهم اضرب الضالم بالضالم واخرج الشعب العراقي من بينهم سالم)

اختكم نوره

---

عذرا لتطفلي وهذا هو الرأي الصائب أختي نوره
ولكن إيران تعرف من أين تؤكل الكتف ؟!
أتمنى من رأى إنّ في إيران خيرا تثبت صحة الأيام مقولته
لإننا نحن ُ معكم نرجو ذلك وندعو أن تكون النوايا حسنة
لاأقول سوى :
ستبدي لك الأيام ماكنت جاهلا ً ... ويأتيك بالأخبار من لم تزود

مع فائق الود والإحترام
العنود

ايران ليست كالسعودية التي هي عميلة لامريكا ارجو منك ان تفرقو بين الاثنين

كل السياسيين لا اسثني احد اطلاقا وخاصة السابقين من الحكومة والبرلمان كلهم واغلبهم عادوا وبقوة ولله الحمد
العفو نستطيع ان نقول اغلبهم لان لربما يوجد واحد او اثنان (ومغلس ما يحجي )) فهو بالتالي شريك
اغلبهم لديهم اجندات خارجية تدعمهم ولا استثني احد ومن اي طائفة من السياسيين كلهم طافيين والتفكير بالعراق قد مسح من ذاكرتهم ((وبعد لو فرمته ما يرجع صار بيه فايروس خطير اسمه الكرسي والا عبوتي ومفخختي))