عاش العراق انصيح عايش فراتي
اصرخ بعالي الصوت دجله حياتي
عرض للطباعة
عاش العراق انصيح عايش فراتي
اصرخ بعالي الصوت دجله حياتي
دجله وفرات الروح والكلب كركوك
وللبصره عيني تصير والجسد لدهوك
موضوع جميل اخي الغالي يونس
واليك مشاركتي
ترجف عليك اعضاي كل ساعه وتلوج....... ودموعي عالخدين روج بأثر روج
تحياتي لجميل ما تطرح
لاتبني فوك اوهام لاتنهدم بيك
والجلمة صدق احساس هيه التعليك
تسلم خويه يونس
كل لحظة مو كل عام يا ربي الافراح *** ودوم العراقي ابخير ؤيعيش مرتاح
عيد اليمر عالناس كلهة استراحت
بس آنه انوح عليك وعيوني راحت
يرخص بياض العين لأجلك ياغالي
وانت بغلات الروح واغلة الغوالي
تمشي ويه غيري شلون ما اقبل ابهاي
وك اني اغار عليك من تمشي وياي
هالكد حلا حط بيك سبحانه باريك
دورلك احلى اوصاف حطهن شلع بيك
هالكد حلا حط بيك سبحانه داراك
يمكن كبل هابيل ربك بدى وياك
هالكد حلا حط بيك سبحانه قادر
بس الحلك موضوع يترس دفاتر
هالكد حلا حط بيك جلت قدرته
حتى اليصلي الليل داخ وسطرته
هالكد حلا حط بيك سبحانه قدوس
اليبوسك المفروض يتوضا ويبوس
تكتل حلات البيك جفينا شرك
خليت الأعمى يشوف من فلك طرك
شكتب شگول شلون شحچي وتراضي
مصلوب انا ومعدوم دام انته قاضي
عاشت الايادي على هذه الفكرة الجميلة والرقيقة
وانشاءالله نشاهد مشاركات واسعة وتتعدى المليون
وكل التوفيق لك يامشرفنا العزيز
ولي عودة اخرى
هلا بجيتك صفاء النور بوجودك
وراح ابقى انتظر اشعار من جودك
حيل ألكم اشتاقيت يل ما تنشدون
ذنب الكلب يشتاق مو ذنب العيون
اهلا وسهلا بيچ خيتنا احلام
غيابچ ابد مو يوم گولي الف عام
تحيتي للرائعه عيون المهى
تسلم رحمة الله والديك
ربي يخليك ومايحرمني منك
آني بغزير الماي روحي ارد اذبه
ويتبين الكراه من اليحبه
آخ شكثر عل آخ متعلمه هل الروح
حته بفرح نوبات من تطرب أتنوح
ياهم تشيله الروح ياهم تحطه
كلما أصفي الماي دهري يخبطه
انتي بصدر ديوان حگچ تگعدين
والكل تحت يمناچ وانتي التؤمرين
من روحي تطلع روح تطلع ورده
والصبر بس وياي جزاه حده
ميامر عليك ضالم خوية
وتسلم لروعة الدارميات المرتجلة
ربي يوفقك
اسمع سمع بالفرح .ماضكته بيوم
كل عمري عشته بجرح وانكضى بهموم
تاج انتي فوگ الراس غصباً علينا
اخت وعزيزة روح انتي وحنينه
ليت الهموم البيچ ترد اعلى گلبي
چي والهموم اخوان اي وحگ ربي
يسلموووو الانامل اخي الفاضل موضوع وطرح في غاية الروعة
نهجم بيت الليل هاطوله بجفاك
شو يمر مثل الطيف من اكعد وياك
كلن نهار العيد عايد حبيبه
إلا أنا حبيبي غايب عسى الله يجيبه
الله يخليچ هموسه
عمرچ طويل يكون وكله بالاعياد
ويرجعلچ التهويه ويبطل عناد
كالولي بنت الناس دكتوره طلعت
عالجت كل الناس بس كلبي شلعت
كلبي اشتكالك ليش ترفض شكيته *** متيه وشافك صاح احا لكيته
هم همي هم الناس هم هم الايام ....
واجماله هم العين ما تقبل اتنام
دايخ وافكر بيك عن بـــــــــالي متروح
امشي وردمت الباب حسبالي مفتوح
سلم ولو بالعين تكفي الاشاره
روحي ابتلت بهواك سويلي جاره
يكون الگلب بستان وانت العصافير
صدگني چان بشوگ الزمها متطير
يكون الگلب جكليت وانت الچفافي
چا ذبت بين ايديك من انت غافي
يكون الگلب ينشال ينذب بالاشعار
صدگني چان يجيك ومحمل اثمار
نور ونظر للعين ولكلبي دكات
لو بيدي اودي الروح ما ودي كلمات