كل رنه كل مسكول حسبالي منك
شنطي القلب اعذار لو سئل عنك
عرض للطباعة
كل رنه كل مسكول حسبالي منك
شنطي القلب اعذار لو سئل عنك
فز وانفتح نصين كلبي اعلة طاريك.
جم نص تضن يصير لمن يلاكيك.
كلبي اعلن الاضراب ما يضخ كل دم
لمن يجي المحبوب من عطره يشتم
كون الكلب بي باب ينفك واراويك.
جا كتلي عفية شلون دم ولحم بيك.
بيش احلف اتصدكين يانور العيون
احلف بدم حسين بيج اني مفتون
كون انكلب رسام وارسملك عيون.
بكد البحر واحتار اصبغهة يالون
دورلي فيتر زين من روحي مليت
لا بدي لا رنكات بس شاصي ظليت
من عمت عينه الكال بفراكك ارتاح *** ابجي ابسواد الليل حتى الرمش طاح
رش الدرب تيــزاب حافي أعتـني لـك
جا شـلي بالرجليـن الما تجي لــــك
لو ترش مو تيــزاب لو تزرع ألغــام
اللحم خلـه إيروح أوصلـــك إعظـام
كل ما يجي الليل أذكر وفــــاكم
واذكر محاشي الطيب وابجي أبرهاكم
ويا النجم سهران وايدي أعلى خــدي
الليل أوظلام الليل شو كلها ضـــدي
وحدي ابنص الليل بس حيرتي أوياي
أبجي أعلى وقت الراح واتنطر الجاي
إشما تقول الناس عندي أنته لول
سو كلشي بالدلال يالحلو مخـول
يالتون تالي الليل سمعني حسك
لولا القلت والقال لعبر وونسك
شحجي وتريد الناس من عندي أحجـي
دمعتي إبطرف العين بس أحجي أبجـي
للخوه ماقضيت شي ماقضيته
حتى الصخر ياناس وتوسديته
انت العطش والماي وانت المشوفـه
ورسمش وحق عيناش بالكاس اشوفه
أرد انشدك وارجوك صارحني ياهواي
تذكرني لوغصيت من تشرب المــاي
نارك يخايب ماي مومثل نـــاري
اومن يطري بيا الشوق يحترق جاري
جيتك بقايا انسان ايدي على خدي
قـلـبـك صخـر مالان يالعـفت ودي
اسهـر واهـل ادمـوع والـدرب ادله
والمايريده اهواه عـله عـلى عـله
هم حلو .. وهم إزغيــر .. هم أزرك عيون
بس بيه طبع مو زين من يوعد إيخــــون
مبخوت أضل للشيب يافلان أذكـرك
أوينكرني نور العين من كون أنكرك
بعد وجفى وهموم يوم اردى من يوم
وعـيني عـلى فـراقـك ماذاقـت النوم
سـلـم ولَو بالعين تكفي الإشــــاره
روحي إبتلت بهواك .. سـويلي جـاره
أرد اسأل العراف واهل القوافـي
ليش الحجاب إيلوق للوجه صافي
شفت الضوه إمن إبعـيد كًًلت إحتركًًنه
لمـن وصلت البيت لن ولفي عدنــه
حطيتك بسرداب وفوقه متر صـب
اصبح الواشي وياك من ياكتر طب
وينه اليخَيـطْ العين ويفكني منهـــا
كل ما تصد للدار يكثر حزنــــها
لو غبت عني الروح احسبها شده
واحرق ابدمع العين حتى المخده
بالك تمر بالدار عنها أشمر ابعــيد
دار العزيز اهواي نوح أوبجي اتريد
عمده ارد امر بالدار والنوح ازيده
واسمع صداها يقول راح التريده
عمده ارد امر بالدار واشبع مغمه
والمعتني الطيبات لوطاح شيهمه
غصبن عليها الروح جابتني اشوفك
كفر عليها للوم بلجن تعوفــــك
ظلمى اوذرب عاثور لليلة شتى أوعت
روحي اشتهت ملقاه عتتني لك عــت
ياعازة الخوان عازتها عــازه
والماوراها صياح وحشه الجنازه
انشدني عالحال حالي أعلى حـــــاله
سمجه أوشحيح الماي وبظهري فاله
حسـره إلك بالدلال ظـلـت لما أمـــــــــــــوت
ماتدري حقها الناس إصوابي بسكـــــــــــوت
كـلبي أرد أكـصه إبموس وأكوي إبمكانه
علمني إعله درووب كلهن مهـــــــــــانه