المليون دارمي .. تنفرد فيها منتديات الفرات

كل جرح بيه يطيب اكدر على دواه
بس جرحي من فركاك متحير وياه

يالكَلت سبع سنين عمر الكَلب شـــاط
آنه لفاني الظيم من لف الكَمــــــاط

اكَدر اطيب الجرح واكَدر اداويه
كَلبك اجيبه اوياي نص روحي اخليه

غزوه غزاني الدهر من طلكَت امي
شاب الكَلب ياناس من هذا همي

ماعندي كل جروح بس جرح فركاك
وكل جرح بيه يطيب من اكعد وياك

مهما تريد اتغيب بعيوني اشوفك
كَمره انته واهلالين واشلون اعوفك

تدري الله من سواك مادزك بساع
خاف انقلاب يصير من توصل الكاع

ماضل جرح هاليوم والمحنه زالت
شفتك حجيت وياي والركَبه مالت