احبـــك لو تصيـــر النــــار انته
وكَلبـــي عليـــك ابدمتهيــــدانته
سلبت عقلي وصبري وياك انته
تعال الروح تتناك برجيه
بقلمي
عرض للطباعة
احبـــك لو تصيـــر النــــار انته
وكَلبـــي عليـــك ابدمتهيــــدانته
سلبت عقلي وصبري وياك انته
تعال الروح تتناك برجيه
بقلمي
من مثلي بحر الشوگ جايات
ومن دمعي جميع السفن جايات
إشربت عند الحبيب اليوم چايات
مخدر بالغرام ونبع ميه
روحي عليــــك من البعـــد مايات
وصرت من كثرشوكَي الك مايات
اشربت جايـــك هنيئا ودلي مايات
احس ناري عليك اسعرت بيه
بقلمي
الله يارائع
يعاذل نار شوكَي هل تمسني
إهديني الشوف حبي والتمسني
بجه من مد يمينه والتمسني
لكَاني نفس ما مش جسد بيه
بس النفـــــس من فركّــــــاج ضليت
وبشوكـــــج يفاتــــــن تهـــت ضليت
صيري من لهيب العشــــكَ ضل ليت
لأن نــــاره ســـــرت وسعــــرت بيه
بقلمي
تحياتي
مثل ظل النخل فوكاگ ضليت
وعن دربك ابد مايوم ضليت
ليل انهار اسولف بيك ضليت
عزيـــــز وفرگتك تصـعب علـيه
النخل شامخ يضل ضله وفيه
بوصالك تسدكـــل خلـــه وفيه
روحي وياك ابد متمــــل وفيه
لان طبعك وفه ونفسك ابيه
بقلمي
آنه الخابُطك بيدي وصفاك
وحرت شنطيك من ميزه وصفاك
حبيبي شوصف أعيونك شصف فاك
جنه ونار جامعهن سويه
بيك احتارعقلي وعجز وصفاي
وخبطك بيه يامايــــع وصفــاي
حايرتوصف اعيونـــي وصفاي
ونه بخصرك دخت شمسوي بيه
بقلمي
سهرت الليل بودادك وحييت
وكلت مرحبه بطارشكم وحييت
يمطرب طفت بالكعبه وحييت
اذا جايب حبيبي اوياك اليه
نضل نلهج بأسمك ماحيينه
وغيرطيوفـــك انته ماحيينه
اذا منطـــوف حيك ماحيينه
وذنوب البينه ماتنغفرهيه
شعرك سرح عينن مــــــاي راشي
وعسى رمشي بدونك ما يرى شي
كلي الفوك شـــــــفتك ماي؟راشي؟
ردت اتضوكة واغمي عـــــــــــلية
ردت اوصف جمالـــج حارعقلي
اذكرت خصلات بس القلم عقلي
يفاتن من كلام الغـــــــزل عقلي
ارهيفه الروح ماتحمل اذيه
(بقلمي)
مساء الخير يمدلل من البصرة
يحلو الطول والوجنات والبصرة
اذا ينكطع عني السمع والبصره
تضل الروح خضره بهل الوطيه
وعليهم :66 (6)::66 (6)::66 (6)::66 (6):
بقلمي
تسلم الانامل التي جعلت القلم يبدع
يل بغداد عايش وانه بصره
اوديلك دليلي وشوف بصره
صرت وياك مثل الفكدبصره(نبي الله يعقوب)
وبنيامين يوم الضاع اخيه
بقلمي
وعليهم
بدمع عيني كتبتلك .. خاطر انة
والك ما يوم كاسر .. خاطر انة
غير انتة تجيني .. خاطر انة
اجيلك معتني زحوف على ادية
اخاف انه منجي يمـــك تردني
ومن اشكي همومــي ماتردني
عطشان اعله شوكَك لوتردني
يطيب ولايضل كل داي بيه
بقلمي
ضعت والروح سالت من انا من
يعمي شبيك امن مني امن
تدري شوكت افرح من انامن
لان بس بالحلم تتراوه ليه
سلامتك من الون وسلامة كلبك
تحياتي
مشكور على المرور ياسليطي والنعم منك
امس جرحي خطيتة بسهام....ونياشين
وون علي بعد يازين....وونياشين
امس عرس سووا الشمات...ونياشين
وحنوا اديهم من اغدرت بي
وعليهم
حبيبي الليل افكــــر بيـــك مابيك
والف نعله اعله ابيه الكَال مابيك
اتمنه الوصل يحصـــــل وشم بيك
وتشمني وننتحر بالحب سويه
بقلمي
ودي اكعد كبالك واحضنك واشمبيك
و ادك حبي بقلبك وشم بيك
من كل دكه اعرف شبيك وشمبيك
احسن من اسألك واتظم علييه
ياكايدهم !!!!!!!!!! وعليهم
رائع وجميل
ابحجي الغــــزل يافاتن عِليهُم
وعدي العده خل نهجم عَليهم
لوما الكَلب مدوده وعليه هم
لكتبلج شعركَد الدنيه
وهم عليهم
الله يارحال وعليهم
الك سرداب بكليبى ولك خان
وابد مايوم حب غيرك ولك خان
اذا شعرى بتعابيره ولك خان
السبب مو بيه حسنك عم عليه
شوكَي كفته دكَــت ماشفيته
وفاهي ابلثم شفتك ماشفيته
كَلبي اليوم رفرف ماشفيته
اذا حام اعله بيتك رده ليه
ميت والعشك ردني وحياني
دنك باسني بخدي وحياني
سئلني وگتله بصراوي وحياني
أشك الگاع لو عالو عليه
جميل حياج فاتن
قسم بالرمت جيش ابرها من عال
مريض انه بودادك صـــرت منعل
تعيـل انتـــه وتكَلــي علـــي منعال
عيــــــــل ابراحتــــك ياتـــرف بيه
(بقلمي)
يل كلك عشـــك وبحبــــــــــك شراها
زرعت الخير اوحـــــــــــاصد شراها
اشري الباع روحه والروحك شراها
وبهجرك توسد للمنيه
بسجاجين البعد حــــدي ووشري
وابيع الروح لجل اهواج واشري
يفاتن بيعــــــي البـــــذات وشري
كريم النفس ماتلكَين اذيه
بقلمي
على راسي اعتني بيتك واجيلك
لأن بس انته أحترمك واجلك
حسنك منوجد بهلك وجيلك
وعبرته ليوسف بحسنك شوية
نقدر كــــل كلامـــك منته خلنه
وكَبل خاوينه غيــــرك منتخلنه
نموت بدار غربـــــه من تخلنه
يل كلك وفه ورقه وقابليه
(بقلمي)
يحيرني بحركته..او صفنتة
وجمالك ماوصفته..او صف انتة
بلغ بالتريدة.. اوصي فنته
رسول وكلمتك تنعد وصية..
حبيبي مشتهــــي ملكَــــاك حالـــن
ومس جنت احسن امن اليوم حالن
اثمارك حيـــــف يبـــن الناس حالن
وانه اترجه ولـــك تعطـــف عليـــه
علي اعطف يحايــل ثمـــر بدراك
انتهيت اشوكت يبزغ علي بدراك
بكامل عقلي احجــي اوياك بدراك
درتينك يغالـــــي افتكــــن بيـــــــه
(بقلمي)
اوعليهم
دمعي صبابه الك وحدك لصبه
ومحاجيك عسل عالمخ لصبه
الكلب جم سيطره بروحي نصبه
غيرك مايمر لو مو هويه
شدعوه الف دكتور انه ادليك ع دكتور واحد يطيبك
هههههههههههه
تقبلي تحياتي
انتهيت اومابقه يسمر صبالي
بسبب بعدك مطردمعي صبالي
غيرك لاتضن واحـــــد صبالي
وبعدك من يجي ويسأل عليه
(بقلمي)
دحوك بثوب حسنك ونسجنه
بجهنم حبك ارضى ونسجنه
انحبسنة بقفص عينك ونسجنه
وتحط رمشك كلبجات باديه
وعليهم
الوكت باكَ العمـــرنه وشبكَانه
وعله وصلك اهمن وَشَبكَ آنه
لون اتصير يمــي واشبكَ آنه
مهــــدك لوتشــــج ارماح بيه
(بقلمي)
وعليهم
نار الكلب تلهب منه كبرة
واذا من نفسي ما ابرة منك ابرة؟
هاك الخيط مني ومنك ابرة
نخيط جروحنة ونلتم سوية