هاك اخذ هاي العين انطيه لهواي..... شلي بنظره انوب ماشوفه وياي
عرض للطباعة
هاك اخذ هاي العين انطيه لهواي..... شلي بنظره انوب ماشوفه وياي
يل تسوى نص الكون بس شفتك الفوك
مشتاك الك مشتاك شوك اقوى من شوك
كافي الصدود وياي .. كافي الخصامه
هجرك سلبني الروح .. فوك الملامـه
هم الليالي تعود وتعاتب وياك
أحجايه للشمات خلتني فركاك
كون الدمع ينشال ومكانه اخليك
كل ما احن واشتاك ابجي واحاجيك
كا مايجي الليل اذكر وفاكم
وذكر محاجي الطيب وبجي وراكم
ما ضل فلس بالجيب واتصل بيكم ,,, ولا فرس يم الباب واركب واجيكم
منك سمعت الاه وكثرت جراحي
شبيدي خويه اعليك كصو جناحي
يا دنيا ما موجود ولفي بجمالة .. الكمر من يغيب يطلع بداله
ها شلونك شلون الدار وشلون الاحباب
اذكر جرح بجلاك خبرني بعده لوطاب
بكرابه ضم السيف وانطيني ايدك
لا تختلف وياي دمي بوريدك
كلك وفه وطيب كلك شهامه
توكفلي بلصعبات وهي العلامه
تعتقد أنه أنساك يوم من الايام
مو باللحم دكيت أسمك بالعظام
من عمت عينه الكال بفراكك ارتاح
ابجي بسواد الليل حتى الرمش طاح
حب وسـواد العين والله سحرني
هش ولذيذ شلون بعناده حرني
ي
يم كلبك بشريان تلكاني موجود
ومن أختلف وياك بس تنبض أنعود
دخنت من التتن دنهل وسومر
وكلبي من هواكم زنجر وسومر
رحمه العلم سواه مجلسنه لونين * إقماشه من باريس وفلوسه بالدين
نارك يا خايب ماي مو مثل ناري
او من يطري بيه الشوك يحترك جاري
يادنيتي مجـروح مـن وين ماروح
يجاملني واحس من شان مابوح
حالف اكله بهاي كل كلبي بيده
ولساني اظن معذور روحي التريده
هم حلو هم صغيرون هم نمنم العيون
بس بيه طبع موزين من يوعد ايخون
نمت آنه عالتبريد حسبالي أغفه
نار المحب بحشاي ماترضه تطفه
هنيالك شكد حلو وهنيالي بيك اشكد
ومني ابوسك حرت انته كلك خد
دوم أنشد الناس عنك يحبي
شو من عفتني ولا جنك بكلبي
يطلع اريد ايروح ينذب وراه ماي
بس اني اذب الروح من يطلع هواي
يادنيه كافي هموم كافي عـداوه ... خذتي الكََلب وروح من عندي خـاوه
هم الكلب ياناس ما مثله هم
وشلت دمع العين كمت ابجي دم
ما ريد اكل لا ماي لا ريد اهلنه *** وبشوفتك يهواي يلتم شملنه
هـايم بيك يفلانـه وعيونـه سهاره
سهران يبات الليل مانامه ونهاره
:77 (12):
هلكد حلا حط بيك جلت قدرته *** حتى اليصلي اليل داخ وصطرته
هم سامع انه شلون فرحني ردك
خادم واظل منون كلي بخدمتك
كض منخلك وبضيج وبساعه المصاب
غربل وشوف شلون مغشوشه الاصحاب
باب الكلب مفتوح ادخـل وردهـ
ويا ويل كلبي يكول يـفارقني ودهـ
هي الروح ضلت بس عليك اتنوح
واذا خلص دمعها اتبوك يعني دوموع
واذا رحت انت صدك ماتضل اتروح
واضل بلايه روح وعايش ابعدك
كابي ارد اكصه بموس واكوي بمكانه
علمني اعله ادروب كلهن مهانه
هاك ابره هاك الخيط خويه ارد اكلفك
امسرد الدلال شله اعله عرفك
كل ما يجي الليل اذكر وفاكم
واذكر محاجي الطيب وابجي ابرهاكم
ماهًمني الكًًصـــــاب من علٌــك إجــــــــلاي*****همني الصديق الكًًـــــال عيٌــرلي من هـــــــــاي