استشهد الاحساس وصرنا طوايف
عندي واخاف اعليك ومني انته خايف
عرض للطباعة
استشهد الاحساس وصرنا طوايف
عندي واخاف اعليك ومني انته خايف
بگمره وربيع الناس بس آنا شاتي
ولو يمر بيه الجور گتله اغاتي
التمن عليّ اليوم هموم الله كلهن
وماكو خوي انخاه يشجب عملهن
اليكـــــــــم يااجمـــــــل اعضـــــــــاء
هــــــــذه المجمــــــوعة مــــن الــــدارميـــــات
لاتگطع اترجاك
سمعني كلمة
والله الهوه بلياك
مايسوه اشمه
==============
لاتظن يوم انساك
يالمني بيه
ماي انته ومباريك
بثنين اديه
==============
سهران افكر بيك
ماشايف النوم
وتخيلت مرسوم
وجهك بالنجوم
==============
ينراد اخلي اعيون
بعيوني ذني
حته اگدر ابچي اعليك
من تمشي عني
==============
هدني التعب يفلان
والهم أكلني
من غيبتك لليوم
محد فگدني
==============
نمت آنه عالتبريد
حسبالي أغفه
نار المحب بحشاي
ماترضه تطفه
==============
أصفن واعد انجوم
وايدي اعله خدي
هم غربة هم افراگـ
هم ولفي ضدي
==============
للدوم اظل وياك
يالطيبك ايفوح
ولخوتك ماعوف
لو تطلع الروح
==============
غيرة وكرم واخلاص
كلهن صفاتك
واتعب شوصف بيك
يالطيبة ذاتك
==============
صدگني آنه اوياك
روح بوسط روح
گبلك أحس بالآه
لو إنته مجروح
==============
سألتني عيني شبيك كل ليله متنام
كــتـلــها كلبي هـواي مـتحمل ألآم
دورت ماخليت كل الحمايل
مثلك فلا موجود يبن الاصايل
مثل الطفل تعبان ويدور الظل
ومثل ام ولد غرگان وتنادي عالكل
مالك بخت وياي ماظنك تعود .... بيه الذنب يهواي والدرب مسدود
كبر بيه العمر ومابيه نكَـل اجدام ......
وطويله رحلتي ويه الحزن اعوام
يا كلب بس عاد جوز من الاحــــــباب ....
بنص الحزن خلوك سدو عليك الباب
ياعين اليجيهه النوم من بعد الفراكَ....تگدر تصل لهواي وتگله مشتاكَ
تبقه الصـــــداقة جسر ما بين الأحباب
و يبقى الصديق الوفي مفتاح كل باب
مر عالگلب ياصاح مر مرة احباب ...... ادري الكلام وياي حسيته چذاب
باجر اروح بعيد وهذا آخر وداع ......
ليش الوفه والطيب يتفاركَـون بساع
عذبني طول إجفاك مرمرني هجرك ..... كلما اريد انساك ارجع وأذكرك
الدنيا مثل الروج واحنا السفينه
وكلما تزيد الريح تلعب علينه
كلما اكول تهون تكلف تراهه...
كحيله وذبح بالخيل باجر سراهه
ثاري الجروح اشكال يمشن معانه
وكل الجروح تطيب الا الاهانه
كـَبلك تره الاهات لفراشك اتروح
الشاعر ترى مـــن ينام يتوسد اجروح
مرسال منك وصل ريح الهوه جابه .... هاي صفات الوفي يسأل على احبابه
هيهات آنه اهجرك لو ابتعد وانساك ..... ولتظن اعيش العمر لحظه بلياك
لو تدري حالي شلون بعدك يمحبوب
حال الشمس ضليت من يلفي الغروب
مر مره مر يفلان بس خل نشوفك *** ومن العذر معذور نعرف ظروفك
شنهوالعسل وياج مايسوى فلسين
* ألعسل ضاكج كال هذا الحلوو أمنين
عهد والله وعيونك اظل اهواك ما اخونك
اشوفك داخل عيوني وانا يازين مجنونك
انا مجنون في همسك من صوتك من لمسك
واذا حسيتني خاين تراهي اوهام من نفسك
اشوف الناس بس تجري عن الاشواق ما تدري
يليت اللي احبه يحس ويجي ولهان من بدري
حبك بكلبي يعيش وبدمي اسكيه
ولو احس بي جوعان من جبدي اغذيه
الجرح موشگ جلد مو دم يهل منه...الجرح جرح الگلب لوغاب اخوعنه
موضوع راقي مثلك
تقبل مروري البسيط
دمت بهذا الابداع
اعدم نضرهه العين بيوم التعوفك
جاشلي بالعينين الماتشوفك
هلا لو مرني الشايب حكم وامثال لي جايب
الاخو لو غاب يا عمي مصيبه تعور المصايب
تراضيني واراضيها وتجيب الموت بيديها
گلت لاهلي اتركوها انا ما عاد احاچيها
گلت ما عاد احاچيها وانا بروحي اخبيها
ابد والله منساها حياتي وكيف اخليها
احبها خل تشب النار بضلوعي واظل محتار
حلمت اني اعزبها وكانت بالحلم خطار
الا ياليت محبوبي عدل والگاه بدروبي
واحس بعطر انفاسه يعطر خشمي وثوبي
عبالي طيب زاد واعطيتك اعيون
تالي توج النار ويه اليكرهـــون
قالو ليش رافعة الراس ونشوفك قوية
قلت العفو كلنا اولاد آدم وحواء بس انا عراقية
عراقية في هواها تترك العالم وراهــا
وتمتلك كل المشاعر ومن عرفها مانســـــاهـــا
إذا شفت ضيم الناس في كل البريـــة
اسجد لربي إلـــي خلقـــنــي عراقـــــــــيــــــة
گلبي ومكلته وذاب بينك وبيني
وتاليها بس عتاب منك يجيني