عوف الگلب وياك بالك تجفله
ضاگ العذاب الوان مند تدفله
عرض للطباعة
عوف الگلب وياك بالك تجفله
ضاگ العذاب الوان مند تدفله
منك تدفله وشاب شعري يمحبوب
وحدك تظل بالروح بس انته مهيوب
انت التظل مهيوب والغيرك افلام
گلبي يون اعليك طمنته ما نام
اشما تريد يصير ياوكتي بلواك
ربع النفس بالروح واتماطل انا وياك
لبغداد انا اتعنيت ومفخخ عضاي ...
لو اطك انة هناك لواحضن هواي
لكعد توالي الليل واذكر وليفي
وبحجة الحلمان لبجي اعله كيفي
بلوى اليحب مجبور يسوي كلشي
يحط ملح بالچاي حسباله طرشي
لگعد توالي الليل واشكيله الهم
وحده شريچ الروح بحالي يعلم
جرب خويك دوم بالك تثق فيه
مو فقط انت وياه الكل تحاچيه
النت غريب اطوار ابدن ميرحم
عالياهو والگوگال كلشي مينضم
من الآيبي اعرف زين من هم ربعي
واعرف الجاني بلوم والجاني يدعي
اليطلع يريد يروح ينذب وراه ماي
بس اني اذب الروح من يطلع هواي
چم سهم بالدلال يصعب عدد هن **
* وجروحي دوم تزيد ياهو اليشدهن
شوفو سرور اليوم مدري شبيهه
تنشد على الخوان ومحد يجيهه
انشد على الخوان وكل واحد بديره
مخلني وحدي اهنا وعايش بحيره
بقلمي
علمني عالنسيان ارد انسى ضيمـــــك
وي غيري قمره اتصير بس حصتي ضيمك
طبع البشر نسيان هذي فطرته
لابد يجيلك يوم چن ما عرفته
خُبري بحبيبي من گبل لو غبت عنه ساعه
لابد يطرشلي خبر او يرفع السماعه
بچاني كل عمري المضى وهسه اجه يموتني
وما يدري بالدنيا شكبر لو شفته ما لمتني
دنيا غريبه والبشر صارت غريبة اطوار
ما يرضى لو صغت الذهب له وكتبت الاشعار
اخ اشكثر على الاخ متعوده هالروح
حته بفرح نوبات من تطرب تنوح
نرجع نسولف عالوطن عن اليتيم ومحتاج
وعن ارمله تبچي على من فقدت ودون سياج
نرجع نسولف عالخوي الحطيت ايده بيدي
واغراضي كلها من الصبح وداها سوگ مريدي
نرجع نسولف عاللذي ما عنده ذمه وسمسار
من حوسم اموال الشعب مايدري انها من نار
نرجع نسولف عاللذي شايل سلاحه بيده
ويزهق بارواح البشر ويريد تروحي تريده
نرجع نسولف عاللذي خان العراق واهله
ميفيدنا لا والنبي لو كل صعبنا يسهله
شباقي عندي من اللذي ومن اللذين يگولون
عاش الوطن عاش الوطن وهم لنفطنا يبوگون
اروح اصلّي جمعتي اخواني بعدين ارجع
واكتب حروفي لحلوتي وشلون تطلع تطلع
جس روحي ملك الموت بس مالكاها
سرت وسرت وياك يسمر تراها
انه شكثر موتات شفت بغيابك
بس احييى من اشوفه يكلي هلا بك
اهلا الف مليون بهمسه اذا جت
بنت الحسب والطيب من عنده وردت
نرجع نسولف عالحبيبه الخربطت احوالي
متريدني بنوب اطلعت وتگول انت الغالي
هاك اخذ هاي العين وخلصني منهه
تبجي وتون بليل وما غمض جفنهه
تگول ما احبك ابد طبعي انا عالفطره
الله وشهالفلسفه محبوبتي يالخطره
الله وشهالفلسفله وشهالكلام منظّم
فهمني يا كل الغلا تالي وكت معد افهم
راح الدليل وياك والعكل عارض
بس كلي كلي شلون اكدر اعارض ؟؟؟؟
تاه الدليل وتهت واتوسل الناس
شجرة اصبحت هالروح و مطبورة بالفاس
معد افهم مضيع انا ايديني من رجليني
وحت اسمي تيهته بعد يونس لو رديني
عزيز وغابت حروفه فقدنا الصوت والشوفه
عجيب الهجر يا دنيا اكيد العيب بظروفه
ودعت روحي يم خلگ غالين واغلى من العين
گلتلهم آنا لديرتي رايح واجيكم بعدين