استراحة الشعر والشعراء وكل احباب الشعر الشعبي ترحب بكم احبتي

تدري سبب ليش عليك ما انشد

لانك سلوت دليلي ورسمك بعيني
وبس يغمض جفنها الك اشتاك٠

وانت بكل صلافة تكلي ناسيني

جميل جدا ما مكتوب

شلون انساك ...لا لاتكول ناسيني
شلون يصير انسى عمري وسنيني
انسى عيونك الحلوات...... والبسمه
لو انسى الشفابف ...من تحاجيني
اذا احد حجالك.......... فهو جذاب
مستحيل........ انسى البينك وبيني
ساكن وسط كلبي وبيدك المفتاح
وانته صاير اوردتي وشراييني

مع تحياتي واعتذاري

تصح أيد اتصير أيدك
تسطر الي سطر خدك
لكن ايدك يا هظيمه
تنگلب وتصير ضدك
الشاعر
احسان القريشي

أباوع بالوجوه ...
أمزنجره من الظيم
بس وجهك أشوفه يلالي بشمسه
تعبني الصبر ...
والحزن بيه جبال
وجبال الحزن بالروح منغرسه
طايح من أمس لليوم ...
وعيون الشماته بحالي متونسه
أوديلك جرح ...
ما نزف دم والله
ظل ينزف صبر حد ماكطع نفسه

للشاعر غالب الحيدري

اريد افتح وياك باب الاعتاب
واكفر بالعشك لو بابه سدة
صاير ماتحس كلش هاليام
وحيل تغيرت بيك المودة
رد كلمن يجيلك وجنحة مكسور
بس مكسور خاطر لاتردة

الحكومة انطت شعبها ارقام وارقام
حتى المواطن ايخابر ويشرح همومة
شعب خارج نطاق التغطية يعيش
اذن شيسوي بارقام الحكومة

صافي ودادك عسل بالحسن صــــاير ملك
مد ايدك اعلة الكلب من عندي اخذة ملك
قابل جديد الكلب هو ملني مــــــــــا ملك

عينك تذوب البشر عني الحـــــــــزن لافتة
لا وحدة اني احـــــــــــــــب وتحيرت لافتة
راح اني اشيل الكـــلب واكتب علية لافتة
عذروني احـــــبن ترف من الله نازل ملك

يم كل ضلع ينراد ضلعين اخلي
حتى الزم الدلال من يمر خلي

[quote=طيبة النجف;1037514]

يم كل ضلع ينراد ضلعين اخلي


حتى الزم الدلال من يمر خلي
لا..الكلب حساس متلزمه الضلوع
لو زاد بيه الشوك من وحده يموع
دارمي جميل ومعبر
تقبلي مروري واحترامي