باخر نفس مخنوگ واتمنى اشوفك.....
وأعذرني بس الموت يجبرني أعوفك
عرض للطباعة
باخر نفس مخنوگ واتمنى اشوفك.....
وأعذرني بس الموت يجبرني أعوفك
تسألني انته ليش شلك غرض بي...
لوتعرف انته الضيم واشلون اداري
وحدي ابنص الليل بس حيرتي أوياي
أبجي أعلى وقت الراح واتنطر الجاي
يمتى الغيوم تزول عن سما بلادي
وآخذ نفس وارتاح وانزع سوادي
تعب التعبته عليك لو ردت اوزنة اطنون
بس انت تعبك الي مايترسلة ماعون
كل ساعة كلبي يضيع وأتمرمر وياه
وأتعنه للحلوين وياهم ألكاه.
عراقيين وسفا الزمن بينه اندار.
..احنا الاسود ودوم احنا حرار
مريت اخم الدار لن كلهم هناك
أهل الفرات اؤؤسود ترهبلك عداك
چنت آنا بالتابوت نايم وفزيت
شفت الحلو تعبان جيت وتعنيت
شفت الحلو تعبان والسبب آني
وشجاني غبت اعليه من اممم مداني
من اممم مداني شلون فارگت الاحباب
جرحي عگبهم غار خزن ولا طاب
حزني على بغداد حزن ام الايتام
لابيها تهجد يوم ولا بيها تنلام
حزني على العافوچ يبلادي وافي
عودو يخوتي عاد من الغربه كافي
دومك ابن اجواد وللكرم عنوان
بدربك اطش ورود وصدكني اطش ريحان
بالروح انا افديچ يا ريحة اهلي
مرود اريدچ دوم ولعيوني كحلي
ربح وخسارة اهواي راوتني دنياي
بس شكثر ربحان من خوتك هاي
كلمة فرح كل يوم تسمعني وتروح
والكلب يبقى عليك بس يبجي وينوح
خل الفرح وياك وخل دمعي مخزون
وخوذ العگل يازين واتركني مجنون
شحجي وتريد الناس من عندي أحجـي
دمعي إبطرف هالعين بس أحجي أبجـي
لا تشكي همك للناس الشكوه حيرة ..
. محد يصيح احى من جرح غيره
عسى دمع الفرح يجري على خدودك
وعسى دمع الحزن للينكر وجودك
الشكوى للحيران تجلي له الهم
والشكوى للبطران تكثر الغم
تبجي بغزاره.. نكول هنيال العيون **
* وشلت دمع العين واصبحت مجنون
لا تظن ويه الليل صبحك يوالف
ابكل سعر ما ينباع دمع العواطف
صار البچي عنوان النا بالعراگ
بس نفگد الميتين ونخاف الفراگ
احول حبيب الروح اثول مطفي
لاكاني عين بعين باس الي بصفي
نبته وغصن مكسور وبشحت الماي
هذا انا حالي عليك من تكطع وياي
عاشت ايدك موضوع جدا شيق وجميل والله لايحرمنا من افكارك يامبدع مع كل التقدير والاحترام
مليون الف حياچ يا فاتن هنا
وابداعچ المكنون هسه عرفناه
مليون اريد يصير واكثر بعد فوگ
كله همس واشعار من نبض العروگ
اعدم نضرهه العين بيوم التعوفك
جاشلي بالعينين الماتشوفك
- هاك الدرع والسيف ومسلّم انه
. كلبي وطبك وياك صارت خيانه
روحي تظل تهواك يسمر يمزيون
وعنك ابد ماتوب يابو اجمل عيون
روحي تظل تهواك يبيض يحباب
وروحي عگب عيناك ماتسوى سكراب
روحي تظل تهواك يشگر يبو زلوف
وكل لحظه احلم بيك محنّي الچفوف
روحي تظل تهواك وهم تعشگ امك
واتمنى انت عطور بانفاسي اضمك
روحي تظل تهواك وتعشگ عمامك
اتمنى روحي نخاع وتشد عظامك
راح انتظر مليت صعب انتظارك
چنت اعتقد يازين كلنا نتشارك
مر مره مر يفلان بس خل نشوفك
ومن العذر معذور نعرف ظروفك
شنهو العسل وياج مايسوى فلسين
ألعسل ضاكج كال هذا الحلوو أمنين
گلبي مجانا جاك انجن وانجبر بيك
ان ما ردته خله وياك عوفه يناغيك