في اي بــلــد أنتم مـــغتــــربيـــن

السلام عليكم ورحمة الله وبركاته الاخت الفاضله شكرا جزيلا على اتاحت هذه الفرصه وبارك الله بيج ز انا عراقي مغترب من بغداد اعيش حاليا في مدينه شيكاغو في الولايات المتحده الامريكيه زصار لي 6 سنوات وعظم الله اجوركم بمصاب ابا عبد الله

أولا أختي الحالمه (أو أم فاطمه) جزاك الله كل الخير عن هذا الموضوع المميز بصراحه اعتقد هذا الموضوع يجب ان يكون في الصفحة الاولى لأن موضوع حساس جدا ويهمنا كلنا ... أخوج عيسى الشمري عراقي مقيم في المانيا... صارلي 5 سنوات مغترب وأتمنى اليوم الي يصفى بيه العراق حتى نرجع كلنا ونلتم بحضن أهلنا... بصراحه قريت بعض المشاركات في هذا الموضوع المميز لكن الي أثر فيني وقهرني هي وضعية الأخت جمانه الله يعنها ويعوضها كل خير. وشكرا جزيلا أختي الحالمه على هذا الموضوع المميز
عيسى الشمري

مشكوره اخت الحالمه على الموضوع الجميل
اني صارلي حوالي 7 اشهر الى 8
والله نتمنه العودة للعراق ان شاء الله للجميع العودة والاستقرار
تحياتي لكم جميعا

ياخوان واللة ندري الفركة صعبة بس شنسوي اني هسة اريد اسافر من العراق الى احد الدول الوربية ممكن واحد ايفهمنة اشلون السفر الى الدول الوربية

مشكورة اختي الحالمة على الموضوع
انا اصلي فلسطيني والحمد لله انا مازلت صامدا في فلسطين فانا مثل السمكة اذا خرجت من الماء ماتت وانا اذا خرجت من فلسطين اموت

اتمنى لكم اخواني واخواتي الرجوع الى وطنكم الاغالي والعيش بهناء وسلامة

تقبلوا تحياتي

والله بجيتوني

عليمن ندعي مااعرف الله ينتقم من اللي صار السبب بعذابنا وغربتنا وتدمير حياتنا
عمر وخلص من سجون اللعين هدام الله لايرحمه الى الغربه

وبعد الأنتفاضة بدأت الغربة للسعودية (( اللهم أنتقم من ال سعود

وبعد سبع سنوات واربعة أشهر عشتها بمراره في معسكر رفحاء الصحراوي
وشاء الله تعالى أن تكون رحلتي الى أحدى الدول الأسكندنافية
لنكمل الرحلة الطويله التي لاندري متى تنتهي .

ولا نطمع بشئ سوى ان نموت وندفن في تربة حبيب الروح العراق.


هاي قصيده أهديها لجميع الأحبة العراقيين المغتربين
ارسلها لي صديق ودائما أقراها _ _ _ أن شاء الله تعجبكم



&&& انت العين &&&
انت العين واقرب من جفنها انته
انت الوالد اليحظن بديه وليده وبنته
وبالتوحيد انت الشعب كلة بشيعتة وسنته
منهو الكال ناسيك هم ينسى الكَمر وكته
لو نبض الكَلب يتنكر لدكته
بس عشكَك عشكَ مفضوح
وعشك الناس كلها مساتر وسكته
صرت انت سبت وبركَبة يهودي
هم شايف يهودي يجوز من سبته
انت الفارس اليسبق هبوب الريح
وما اظن خيل سابقته
وانته انت يرهم ترابك كحل للعين
ودوا للما شفت علته
ومن طينك نحني جفوف المعرسين
وكل اصبع فرح من طك طكَته
وانته ريحة ترابك ترد الروح
هيل وزعفران وعنبر بشمته
ومثل تراب كاعك مالكَينا تراب
يرهم للصلاة من طين تربته
انت ينام بيك المرتضى الكرار
ابو الحسنين التلوذ الناس كلها بشارته وبخته
وانت ينام بيك بكربلاء حسين
الما باع نطاقه وسلم ركَبته
وبيك ظلت راية العباس
لمن طاح ... نزلت الفرات وباسته من شفته
من طلعت منك يوم طرني البين
كَلبي وياي ماجبته اثاريني نسيته هناك عندك كَلبي امنته
شتلته بجرف دجلة الخير
وي طين الشواطي شربكَته
وامتدت عروكَه بوسط ذيج الكاع
ومن ماي الفرات ودجلة عمدته
ولمن صار ينقل جدمه بين الناس
اخذته وياي للكاظم على الشباك زورته
صح هسه اصبحت من وطن نيدرلاند
هولندي الهوية وشعري جللته
وصح تاقلمت وية الغرب فد نوب
وصرت ماصخ مثلهم والملح عفته
وصح صرت ارطن رطنهم لمن يرطنون
ولسان العرب بالاعجمي كسرته
لكن مدري شي يصير بيه من يمر طاريك
احسة انك دفو تموز وحرته
العالم نسى ايام اهدعش من ايلول
وصارت بيك وبيك سالفته
ناس تكول لازم نحتوية ونشفط البترول
ونعوض الراح ونسرق بركته
وناس تكول لازم هالحصار يدوم
وناس تكول لازم ننزع اسلحته
وناس تكول خطية اطفاله ماتو من الجوع
وناس تكول حيل وياه ما حمد ربة وشاكر نعمته
جيف انت حلو والدول منك تغار
ما عدهم العندك من مجد نلته
انت اول وطن ادم وضع جدمه علية وكال يا الله ولنك وصله من جنة
انت اول وطن حطة النبي ابراهيم ودعا ربه يصونه برحمته وعزته
وانت اول وطن مرسى لسفينة نوح
وانت اول وطن النبي ايوب ناخت بيك راحلته
وانت اول وطن علم العالم ابجديه ويكتب التاريخ
وانت اول وطن قانون سننته
انت اول وطن كالتله الشمس يمه صباح الخير
انت اول وطن ماتشبه الاوطان
سبحان ربي شلون صورته
صورته العراق وبس علينه يلوكَ
واحنة نلوكَله لمن يحن وكته
هذوله اهل الغدر من عندك شيردون
يا هو صاح منهم ما اجو عندك
جان جيبك مو الك لمن العرب ينخوك
عزيز المال هيج وهيج طشرته
لمن طحت محد اجى وكال عدعيناك
ونزفك مثل دمع الشمع سقته
بقيت وحيد مدمي بساحة الميدان
واطفالك عليك بصفك ينوحون
وانت تون ولا مثلك قبل مذبوح ون ونته
توجيت على جرحك كمت مهتميت
خاف الشامت يشوفك طريح ويشتفي بشمته
طبع بيك المكابر اكبر من الاه
واكبر من غدرهم يا بختك انته
جم غازي مر عليك وراح
وتمر علية السنين ومتعمر بذلته
صفو بالمزبله ويلعنهم التاريخ
تراب بلادنه يرفض جدم الغازي والمحتل
تراب بلادنه غالي واغلى من عدنا


..................


حفظك الله أختي الكريمة أم فاطمة
وأعادك الله وجميع أخواني وأخواتي العراقيين الكرام الى ارض الوطن العزيز

بحق محمد وآل ومحمد

أخوكم
أبو حسين الظالمي

آه ياعراق الحبيب
شاكرة لك طرحك المميز والله يرجعكم الى دياركم
ونزور العراق يارب

مشكور اخي الكريم على هذه القصيده الرائعه
تسلم .. والله يعطيك العافيه