السلام علـــــــــــــــيكم
شلونكم حبايب ان شاء الله بخير
هذه القصيده اهداء الى من في قلبي واراد ان يهجرني
~ وايضا اهداء الى كل اعضاء هذا المنتدى الجميل ~
~~~~~~~~~~~~~~~~~~~~~~~
روح براحتك لو عني ردت اتروح
علي لتخاف .. اعذرك ماتحاجيني
بس وياك اخذ عيني التهل ادموع
ومن تشتاكلي بس باوع العيني
كلب الحب رسمته بجف يسرتي وهاك
شوف اسمك كتبته بشوكي بيميني
بنص درب العشك شو تيهتني شبيك
تدليني كلت لعد ما تدلّيني
اليذكروني عفتهم لجل شوكي وياك
واني اتذكّرك وانت الي ناسيني
ضحّكتك لمن جار الزمان عليك
حرام عليك تتعمّد تبجيني
بايعني برخص واني بغلاة اشريك
مو انت الكلت بالروح تشريني
صرتلك كلّي شمعه ونوّرتلك دوم
عكب ما خلّصتلك نور عشريني
بعد ما كلت آه ودرت وجهك ليش
لإن طرواك كتلك ضل يداويني
ولإن كتلك ضواي ونور عيني اتصير
تريد اتروح عنّي اتريد تعميني
روح وداعت الله بس اكلك ها
الي رب ٍ كريم الصبر ينطيني
~~~~~~~~~~~~~~~~~~~~~~~~~~~~~~~~~
ان شاء الله عجبتكم القصيده وتحياتي لكل من فهم ما في خاطري
مع تحياتي واخلاصي لكم
:66 (46): احــــــــــمد الــــزبييدي :66 (46):
