ابوذيات رووووووووعه لا تفوتكمممممم

:77 (9):اراوي جروح كلبي...وانته راوي
وروايه شوك روحي...وانته راوي
عثك الناس خشف...وانت راوي
بريمه طاح من خدك بديه
------------------------------------------------------
اهوج خلاف عينك...مرهم انه
واهد بعناد جرحك...مرهم انه
حلو كلش واشرك...ومرهم انه
علج بس تجي مروره طعم بيه
--------------------------------------------------------------
الدنيه كسرت جفي...وعضيدي
وبعد ميفيد عض شفتي...وعض ايدي
شلي بدنياي لوغرب ...عضيدي
هذاك الجان من اوكع تجيه
------------------------------------------------------------------
انه جروحي عرايس...من ازفهن
زغدت حمره بحلكهن...من ازفهن
انه منزمخ عليهن...من ازفهن
انط زهكان ويضحكن عليه
-----------------------------------------------------------------------------
حكمني اعدام حبك...من برانه
شمع من عكب ليلك...من برانه
صرتلهم منصه...ومنبرانه
وهجاء اشعارهن كلهن عليه
--------------------------------------------------------------------------------
عشرتك بس مصايب...منهه جاني
وجنت شرع المحبه...ومنهج اني
حبيبي وعاش حلكه...من هجاني
وعليه خارور حجيه مو عليه
-------------------------------------------------------------------------------
اشبعد دربك يهل مبعد...وسربي
لان مامش خبرمنك...وسربي
هجرك بي لغزواضح...وسربي
اذا اعرفه تطيب اجروح بيه
-------------------------------------------------------------------------
ضحئ وكتي بعد شخصك...مهندس
وجلمات الوشو بذنك...مهندس
بغرامك صرت يمدلل...مهندس
ومعدل بالعشك طلعت ميه
----------------------------------------------------------------------
عسل بشفاف الاسمر...شهدي منه
انهدم حيلي واكولن ...شهدي منه
يكلي اهديلي كلبك...شهدي منه
هديته الروح رد تنك عليه
------------------------------------------------------------------
مثل حالي متلكه...حاله فاني
البخت مايوم مره...حالفاني
اذا هالحال يبقئ ...حالف اني
اخلي اتسولف الخرسان بيه
-----------------------------------------------------------
دلم شعرك الشافوه ...وهبلهم
رغم للحين ماطار...وهبلهم
دشوف اللات كسروهه...وهبلهم
واظن عبدوك كل صبح ومسيه
-----------------------------------------------------------
ترئ الدنيا صفت مودنيا ...بعداك
لذت ياريت بالخوان...يعداك
انه من اذكرالغربه وطول...بعداك
ابجي الليل ونجومه عليه
----------------------------------------------------------
ورد جوري اعله خدك...منتشربي
وياخذر روحي اصبعك...من تشر بي
شعرك عالمتن لمن...تشر بي
تشر الليل ومصايب عليه
--------------------------------------------------------------
ذهب لو درعلئ شفتك...شنو شصار
وباصرارك علئ كلبي ...شنوشصار
دنت نفسي وجست خدك...شنوشصار
قابل كفرت مديت ايديه
--------------------------------------------------------
اليحبك ابد صدك ...مايعاني
بمحبتك صرت سائل...مايع اني
اذا انطيك صدك ...ماي عيني
فلا اندم لانك روحي بيه
-----------------------------------------------------------------
احبك ردد كليبي ...ونب لاك
وشرك عكلي سهم حبك...ونبلاك
ابد ماعيش من دونك...وانه ابلاك
صحره ومايمر الماي بيه
-----------------------------------------------------------------
جرحك ماحوه بلسم...حوه سم
علي من دون البشرصاحو...حواسم
تمنيت الوكت يرجع...حواسم
وافرهد كلبك الماحن عليه
--------------------------------------------------------------
احبابي الي اودهم...ماشروني
وعلي حبل المواصل...ماشروني
استبدوا عكب نصحي...ماشروني
براي وكل جواب اكطعوا بيه
______________________________
اريد ابجي عليك دموع...من دم
وعلي ايام المضت يهواي...من دم
لوتحركني صدك يوم ...مندم
اموت عليك يالذاتك وفيه
----------------------------------------------------------
الك يومين متبدل...سلامك
زعل لوفوك متعلي...سلامك
احبك من جنت جاهل...سل امك
والوليك واهزنك بديه
---------------------------------------------------------
الوكت فركانه ياخلي...ولك را د
واحلف بالحسن والحر...ولك راد
ولك موسنتي والشيعه...والاكراد
تصافو وانته مارديت اليه
-----------------------------------------------------

(( منقــــــــــــول ))
ارجو مراجعة هذا الرابط للأهمية
http://www.alforat.org/showthread.php?t=22548

يسلموووووووووووو على ابوذيات جميله و رائعه

شكرااااااااااا عاشت الايادي

مع تحياتي اميرالاحزان 1985

مشكوره اختي ام فيصل
علئ هذه
المعلومه

اريد ابجي عليك دموع...من دم
وعلي ايام المضت يهواي...من دم
لوتحركني صدك يوم ...مندم
اموت عليك يالذاتك وفيه

تحياتي لك وليد وعاشت الايادي

عاشت ايدك اخويه وليد على الابوذيات في قمه الروعه دائما متميز في مواضيعك الجميله

الك يومين متبدل...سلامك
زعل لوفوك متعلي...سلامك
احبك من جنت جاهل...سل امك
والوليك واهزنك بديه


ررررررررروووووووووووووعة الف شكر عيوني ابوذيات كلش حلوة

ننتظر جديدك دوم الابداع والتالق

تقبل مروري