هلة يامتكتك الدلال بس تك
كظيتة ومنه ماخليت بس تك
أظن لمن حظنتك حييل بس تك
أظن شفافنة انخبطن سويه..
عشرتي وياه بس هم منها جاني
ولا ساعة سعادة وياه منها جاني
اجاني جي مدحتة منها جاني
اصفكلة يهز بيدة عليه..
دلولي وياك يهد الحيل وابراك
ويا كلبي الهم غداك نحيل وابراك
منه الحاكمك ياترف وابراك
وهذن شهود الك جرحين بيه..
ردت ابجيك دمعة وعيني عزيت
ونسيت انت الجبت هالنار عزيت
جرحت كلبي بصلافة وجيت عزيت
وبنفس ايدك كمت تلطم عليه..
حياتك لا تصدق فرهدوني
وعلي رايد يفرهة فرهدوني
نخيتك كوم كلتلك فرهدوني
تعال وشوف اني شباقي بيه..
اخبرك ياحبيبي السفر قد حن
وكلبي لعشرة الايام قد حن
اذا عيونك علية بهض قد حن
انا عيوني جمر طاحن بديه..
من يوم الولادة لوعبينة
ويادنيا انتي على كيفج لوعبينة
وجهنة اسود ياصاحب لوعبينة
وعبينة والوجه صارن سويه..
عظمي من السهر والشوك بانة
وحبي وياج آنة بشرف بانة
بان الاسم و الدلع بانة
اليدلعج مادرة بالصار بيه
منقول
