موضات
اذا صابك جرح يعني اني مجروح
واحد صرنه احنه اجروحك اجروحي
واذا رايد احضنك سهله مامحتار
لذالك كيفت كمت احضن بروحي
نتحمل بواجي وحسرة الليل
ودرب كلش خطر لكن مشيناك
كلنالك نحبك واحجي شتريد
حجيت انت بصمت لاكن سمعناك
مو كلكمن يسولف يعني بالطيب
ولا يكدر شخص ياخذ مكاني
كلمه انت اصبحت محد نطق بيك
وصرت كلمه بحلك ميت حجاني
شفت الحلو واكف يغسل الباب
خدر كلي اعله بعضي بهمس حسه
ومن كد ماحلو من عنده غار الباب
كض الباب بيده ويغسل بنفسه
