ولك والعباس ما تكدر تكتلني
سِلْ سيفك عَليَّ ابليل واطعـنَّـي
واشفي أحقاد گلبك والبغض مني
دچني ابخنجرك وأمرد بديك اچلاي
ومْنِ ادماي حط بچفوفك وحنَّي
علگ جثِّتي وگوم ابطبر مسموم
گطـِّّعني اعلى كيفك واشتفي ابوني
. ***
يالحاقد عَلَي دوس اعْلى گلبي وفوت
واغسل غيض گلبك لا تــِغَسّلني
لفلفني ابقميصي وسوني گوم اعظام
واحفر لك حفر بالگاع وادفــــنّي
هَوِّس فوك گبري وحيل دچ اعليه
وركز بيرغك بيه وبفرح غنّي
. ***
وَهَم تطلع اظنونك.. وآنه ملچ الموت
بس تغمض أجيك ابطيف مِتْعنّي
ما ترتاح والله ولا تنام ابليل
سبع ارواح عندي اشلون تكتلني
ولك ما غيب عن بالك واظل جيثوم
راكب فوك صدرك غصب تحملني
أنه بگلبك رعب واسري بوريد ادماك
وبريتك نفس وشلون تامنيّ
. ***
اظل مثل الخيال أگعد واگوم وياك
ما خلّيك لحظه تعيش متهني
بس ترمش سواده اتشوفني اتلگاك
ذيب امعط واغطك واچرخ ابسني
كون اتحلج السابع سمه اتعناك
وين اتروح عزرايين انه وجني
. ***
اعرفنك صلف والحسد ترس العين
خلني وياك أحچي ابلا خجل خلني
أريد أطلع دغش گلبك و ذري البيك
وجواد الحسيني گوم عاوني
نثرتك عنبر و من ماي دهله ارويك
يالگاعك حماد و خيبت ظني
طلع نصك تبن والباقي كله ادنان
ماتسوه العتب غاد اشتمر عني
ولك والعباس ما تكدر تكتلني
سبع ارواح عندي اشلون تكتلني
<!-- / message --><!-- sig -->
مشاركة: ولك والعباس ما تكدر تكتلني
شلون تموت يا والي وأنتي الموت
يا فتال السبوس بتوت منك يرجف التابوت
هاي يمكن استاذي ماجد سامعها
هاي هواسة مال أهلنا كَبل سمعتها من جد الله يرحمه
القصيدة ذكررتني بيه
الف الف شكر أخي ماجد على القصيدة
لكَ تحياتي
فارس الليل العراقي
مشاركة: ولك والعباس ما تكدر تكتلني
شكرا للقصيدة الرائعة
تحياااتي لك
مشاركة: ولك والعباس ما تكدر تكتلني
مشاركة: ولك والعباس ما تكدر تكتلني
رووووووووووووووووووووووووووووووووووووووووووووووووو وووووووووووووووووووووووووووووعه
مشاركة: ولك والعباس ما تكدر تكتلني
شكرا لمروركم الكريم
فيه عطر المحبة والتلاقي
رد: ولك والعباس ما تكدر تكتلني
عشت وصح السانك والله والنعم اخوك ابن الوسط
