يهلال الحزن ياريت ما هليت*يهلال الحزن باجر يطيح البيت

يهلال الحزن ياريت ما هليت*يهلال الحزن باجر يطيح البيت


ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ


انشوف الناس تفرح من يهل هلال


وتجيب الورد وتوزعة على الاطفال


بس اهلالي جايبلي حزن واجال


ومن لاح الدمع دم اعلى خدي سال


*يهلال الحزن دم ودمع هليت*يهلال الحزن باجر يطيح البيت*


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ


كل اهلال اشوف الناس تفرح بيه


وبلسان الفرح لورادت اتحاجيه


وانة اهلالي ما اكدر اعاين ليه


يوحيلي الطفوف اشلون اصد اعليه


*يهلال الحزن تتأخر اتمنيت*يهلال الحزن باجر يطيح البيت*


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ


فرحانة الخلك وعيوني جاي تشوف


وعاشور الحزن كلة اعلى راسي ايطوف


يراويني صور خيل ولهب وسيوف


ويكلي اعلى النهر زينب تظل جفوف


*يهلال الحزن ياريتك توانيت*يهلال الحزن باجر يطيح البيت*


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ


اريد اشبع نظر تدري الكلب حيران


ابن امي وسوة اتشاركنة بالاحزان


ميهمني الدليل شما يظل عطشان


بس صعبة امشوف حسين عالتربان


يهلال الحزن وجواب ما رديت*يهلال الحزن باجر يطيح البيت*


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ


وخليني اودع اللي كفل ظعني


صدك يهلال ما هزك كثر وني


أنة محضرة ترة ثياب الحزن ذني


وادري بالهموم اللي يتانني


*يهلال الحزن عندي علم وادريت*يهلال الحزن باجر يطيح البيت*


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ


صور عندي أنة من ليلة العاشر


اولهن اخوي ومن يظل حاير


ادري بالمرار اللي يمر باجر


مالحضة الصور غابت عن الناظر


*يهلال الحزن من القهر مليت*يهلال الحزن باجر يطيح البيت*


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ


وي روحي اصبر روحي بروحي


ومن همي اشد اجروحي بجروحي


يهلال الحزن ارحم كثر نوحي


من كثر البواجي جف دمع موحي


*يهلال الحزن شبسرعة كلي جيت*يهلال الحزن باجر يطيح البيت*


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ


الشاعر ابو سجاد العبادي

صح لسان الكتبهة ويسلم القلم النقلهة
كلمات جميلة رسمت صورة الحزن المؤلمة
شكرا لك احلام على القصيدة
تحياتي لك

كلمات في غايه الروعه دومج مميز

اللهم صل على محمد وآل محمد

والصلاة والسلام عليك ياسيدي ومولاي ياباب عبد الله وعلى اختك العقيلة زينب

عطر الله انفاسك عزيزتي
وجعلها في ميزان عملك
وسلم لنا عطاؤك وجزيل الشكر للشاعر الرائع ابو سجاد العبادي

خالص مودتي لك يااحلام

شاكرة مروركم المميز والرائع
ممنونه لكل من مر وشرفني بحضوره الكريم
ربي يحفظكم
جميعااا
امي الحبيبه ام فيصل
اخواني
المهندس علي
وامير الربيعي
تحياتي لكم

الله على اختياركي على هذه القصائد الجميله والراقيه قصيده اكثر من رائعه ـ حيدر الغزالي ـ تقبلي مروري

اسعدني مرورك اخوي الكريم
ربي يحفظك ودوم التواصل
تحياتي