المحكمة ...........
لاتحكموني خلص كل عمري جوع.......... صح بكت والبوك راح اتعـــــوده
صح بكت مولاي مابايك فقيــــــــر........ بكت من ناس ابذهبــــه امزنــــده
انته شفت الجوع ياقاضي الزمـان .........اشلون جلب بالفقير ومـــــرعـــده
مثل ذيب امكشرانيابــه بقطيـــــع...........وشوف جم تاجر وراه امسـانــــده
انته مربيك الشته ابرد ورعيـــــد ..........اتشوف اطفالك تنـوح مجـــــــرده
هم شفت اب اليبيع ابنه الــــوحيد.........ويشمر أفلوسه أعله دينــه أيســدده
هم شفت أم اطلعت كبل الغــروب ........عال مـزابل حته تجمع مائــــــــــــده
هم شفت ورده تـدنك للعبيــــــــــد..........وتنزع الأشواك وتبيـــع النـــــــــده
وإذا متصدك بعد روح انته شـوف ........روح للكاظـــم تصفح مرقــــــــــــده
لان بس هوه بقه أسلاح اليتيــــــم .........مايسد بابه أعله ســـائل يطـــــرده
لاتحكموني أذا عدكم ضميـــــــــر.........ولا تحسبوني على اصحاب الـــرده
حكموالاطفال اللي نامت عال رصيف ....وحكموا البطون اللي تبجي بلا غده
لاتحكموني بعــــــــــد خلوني ابوك.........ونضفـو ميزان العداله من الصــده
للشاعر تحسين الشاعر
