قصيدة جميلة للشاعر علي الغريب
اعجبتني وحبيت انقلها لكم
الله يسامحكـ
الله يسامحك جـــــــي علت وياي
وقسمتي الجابتك حته امتحن بيك
ظل اسحك بروحي بزود لاتخاف
هيه اتعودت دوســـــــات رجليك
اكابر مـــــــــــاكولن اخ وحــــاه
وتزعل من تغثني وانـا اراضيك
مــن تعطش اشـربك ماي العيون
ولو جاسك بـرد برموشي اغطيك
لان بيه طبع للـدوم عطـــــــــاي
ومــا ممحتاج جلمـت انا اجازيك
حنظل لــويشربك غيري ويدوخ
بس انـــــا استلذ بمرورت البيك
من كضيتني جنت انــــــا جانون
رحت طفيت روحي وخايف اجويك
ونتحاسب تعـــــال وخلنه نرتاح
لو انا اشتعل لــــــــو اشتعل بيك
