حوار بين الشاعر شاكر الهلالي
والشاعر تحسين الشاعر
قال الشاعر شاكر الهلالي
سوهه عناد وابقه ولاتعوف الدار
من تطلع صعوبه تعيش بالغربه
تضيع انت بدروب اليأس والحرمان
وتشوف الناس كلمن رايح بدربه
تجر حسرات لعيون الحبايب دوم
وتفقد اغله ناس تدور الصحبه
مثل فلاح يتعب عاليزرعه اعوام
تاليهه بسهوله يضيع كل تعبه
صحيح المال يبنيلك وطن وتعيش
بس ماي العراق شلون گلي تحصله وتشربه ؟
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
واجابه الشاعر تحسين الشاعر قائلا
ما اكدر اعوفه وعندي بي خـــــــوان
وخوتهم صدك صاروالضهري احزام
الكاهم رصاص اسود ابصدر اعـداي
كبل لاشيل ايدي واسحب الاقســـــام
