صرخة الوجدان
للعراق
صرخ وجدان حبك بين الأذهان
وصرخ صوت القصيدة أعله المنابر
ولفظ كلمات صعبه لكـطع الأنفاس
ودمع عبره النــــزل ويه المشاعر
اما تدري بصفاتك صرنه موضـوع
وصعد فوك المنصه اليلقي شاعــر
خلية نحل وحــدك تركض ادريك
وتمد روحك جسر فوك المعابـــر
درس للناس حبك احله الـــدروس
ونجحت مــــن الدرس طالب مثابر
على الدنيا العــــفا بعدك يايوب
جزه حدوده الصبر ..ليــش انته صابر
غشاوه بعينك انته ..تكـحل العيون..؟
وحقــوده اعيون غيرك من تناظر
مناظر ورد حبـــك صور عالكاع
وصفـــت لوحاتك انته من المناظر
قيادي وقوه عندك تحكــم جيوش
شجاع اسمك رهب كل العسـاكر
ولان مكشوف صدرك تنبت رماح
نزف دمك نهر غطه الســـواتر
على الاقدام دومـك هارب شبيك
شجاك وما رحت زرت المقابر..؟
طفل باول دراسه وانفــطم بيك
ورسم بيده الخريطــه اعله الدفاتر
رسم بيده الخريـــطه اعله الدفاتر
منقول
