الى راهب سماوي ( الى كاظم الغيظ )
شكد منافع للحديد
بس اكرهه
حيل اكرهه
من يصير قيود
ويقيد الضمير
لوسلاسل
تمنع الهاجس يفكر
وتكتل أزمان الدقايق
تخاف منهه
وزين تدري
بلحظه يتكون مصير
شكد منافع للحديد
شكد مساوء للحديد
بيد كافر من يصير
وجان راهب ايده بيضه
بلون كلب المعجزات
النور ايه
بوجهه يسطع
بطلته تمتد الحياة
البلاغه كباله تذهل
والسطور كباله تخجل
وكل نظرهه تعيده
بأسرار اللغات
والحديد الكلبه مات
سد طريقه
وماكطع فكره العميق
نعم اي قضبان واكثر
لكن بدعوه وتشهد
ينفتح اكبر طريق
والطرح معجم هدايه
بشر حافي
وكلب جلاد انكسر
لا واظن حتى الحجر
البغي تلبس عباته
تتعض عفه وشرف
تعود باكر من تصلي
سورة التوبه ترتل
ياللهي
اهديني من حبك مطر
والحياطين العقيمه
بصفنه تهدأ
تناجي ربهه ويه المغيب
والسكف يخشع سجودا
والوضوء يوضي روحه
بقطره من جسمك يطيب
واللقاء الخلكه مرهق
شاء لحظه
شاء نظره
ايه ايه
يمته تسمعنه وتجيب
موعدك كالو قريب
الجمعه تنطر
واحنه ننطر
والسماء ويانه تنطر
والشمس فحطت لهيب
عدهه موعد وي حبيب
الجسر ثبت ركبته
وزحف عالماي بلهفته
واحنه ننطر
بواهس الضامي لجربته
بواهس الحزو ركبته
ومافقد للحق قدرته
بواهس الطبره عله راسه
وماقبل يختم ركعته
بواهس الي بغار صلى
ونجه أمته
بواهس الضلع المقدس
الاستحه
يصيح بكسرته
بواهس أو واهس نطرنه
أوينك انته
الجسر دنكله راسه
وناس تتمشى بنعش
من بعيد تشوفه فارغ
بس ارض شال اعله متنه
والجسر ذاك النعرفه
هو شالك مدري شلته
موكب يعزي الاله
ومطر نازل
جنه راعي الكون
افرط في دمعته
وماكظم غيضه الزمان
شكد مساوء للحديد
من يصير قيود ويقيد المكان
من يصير الموت موت بلاحنان
وماسئلته
بالعكس زادت رحمتك
وسافرت نحو السماء
البراق الشال جدك هم اجاك
وبعدك اصوات النوائح
أربكت صوت الاذان
الله اكبر
والشهاده
وحتى حي عله الصلاة
الفرض عده عليهه
وللقضا فات الاوان
رد: الى راهب سماوي ( الى كاظم الغيظ )
عطر الله انفاسك بالربيعي
قصيدة رائعة بمفردات ومعاني غاية بالجمال
جعلنا الله وإياكم من جنود قائم آل محمد عجل الله تعالى فرجه الشريف
احسنت
ودام لنا هذا الجود والتميز
دمت بخير عزيزي
مع تحياتي لك
رد: الى راهب سماوي ( الى كاظم الغيظ )
اقتباس:
المشاركة الأصلية كتبت بواسطة ام فيصل
عطر الله انفاسك بالربيعي
قصيدة رائعة بمفردات ومعاني غاية بالجمال
جعلنا الله وإياكم من جنود قائم آل محمد عجل الله تعالى فرجه الشريف
احسنت
ودام لنا هذا الجود والتميز
دمت بخير عزيزي
مع تحياتي لك
مرورك اشراقه رائعه على متصفحي اختي الغاليه ام فيصل
تحياتي لك
اخوك مهند صاحب
رد: الى راهب سماوي ( الى كاظم الغيظ )
عاشت ايدك اخويه مهند كلمات في غايه الروعه
رد: الى راهب سماوي ( الى كاظم الغيظ )
اقتباس:
المشاركة الأصلية كتبت بواسطة امير الربيعي
عاشت ايدك اخويه مهند كلمات في غايه الروعه
ممنون منك اخي الغالي
تشرفت بمرورك ابن عمي
