اجيتك مستحي وبالكوه ادك الباب

اجيتك مستحي وبالكوة ادك الباب
وعالخدين سالت دمعة مفضوحة

وصلت لباب دارك وتعثرت بالباب
كد ماتعبتني الجية والروحة

غريب وعندي صعبة هواي طبة الدار
وكبل جانت كبل بس الي مسموحة

بجيت وصحت بسمك من ورة الحيطان
بكلب مسكور يشبه كسرة اللوحة

حبيبي بداعتي مر عالكلب خطار
وبسجين عينك مزق جروحة

العالم تذبح الدمعة بضريح ايمام
واني بحضرتك دمعاتي مذبوحة

اني الجنت اجيك بضحكة من ابعيد
اجيت بطرك دمعة وروحي مجروحة

اجيتك واعتذر واعتب عليك هواي
واريد ارجع البيتي اذنوبي ممسوحة

من دونك بلافرحة وكصيرة الايد
وأشوف الفرح يمي وايدية متلوحة

حبيبي بعيني اشوفك جاهل زغيرون
تتمرجح واني كلبي ايصير مرجوحة

حبيبي معاهدك واحلف كلام الله
اليخونك حبيبي ايقشمر بروحة
........................
من روائع الشاعر عادل محسن
تحياااااااااااتي

الله الله ياام علاوي رائعه تلك القصيده للشاعر عادل محسن
تسلمين على حسن الاختيار والذوق الرفيع
مودتي واحترامي

تسلملي هالطله دكتور
الله ليحرمني منها
تحياتي

اجيتك مستحي وبالكوة ادك الباب
وعالخدين سالت دمعة مفضوحة

وصلت لباب دارك وتعثرت بالباب
كد ماتعبتني الجية والروحة

غريب وعندي صعبة هواي طبة الدار
وكبل جانت كبل بس الي مسموحة

الله على هالكلمات

صح لسان الشاعر وعاشت الاياادي عزيزتي

مودتىى

محتاره نورتي موضوعي بطلتك البهيه
ربي ميحرمني هالطله
قبلاتي

تسلمين اختي العزيزه ام علاوي

اختيار جميل لقيده رائعه

يسعدني المرور بين سطور متصفحك 0

اجيتك واعتذر واعتب عليك هواي
واريد ارجع البيتي اذنوبي ممسوحة

من دونك بلافرحة وكصيرة الايد
وأشوف الفرح يمي وايدية متلوحة
عآشت آيدج آم علاوي على النقل المميز
كلمآت جميله

غريب وعندي صعبة هواي طبة الدار
وكبل جانت كبل بس الي مسموحة



قصيده مميزه

وتسلمين ام علاوي على الاختيار